“Zagoritët dhe gjimnazi Zosimea i Janinës” plus 9 more - Gazeta Dita |
- Zagoritët dhe gjimnazi Zosimea i Janinës
- Plani i “çmendur”, Reali heq dorë nga Neymar, tani kërkon Mbappe…
- Dasma e Skënderbeut/ Fate Velaj: Një përgjigje për ata që e duan Shqipërinë vetëm me festa ëmbëlsirash, e mishit të pjekur
- Fshehu pasurinë, Prokuroria dërgon për gjykim ish-kreun e komunës Pajovë
- Champions, sonte Bayerni kërkon hakmarrje ndaj Real Madrid
- Vettingu ngec tek shifrat, KPK shtyn vendimin për Xhoxhajn
- Pse terroristët nuk sulmojnë Italinë? A ka lidhje “mafia”?
- Auron Tare zgjidhet kryetar i Këshillit Shkencor në UNESCO
- I dënuar në Itali për shfrytëzim prostitucioni, arrestohet dibrani i kërkuar nga Interpol
- Pse 2% e femrave janë biseksuale (dhe disa mendime mbi homoseksualizmin shqiptar)
| Zagoritët dhe gjimnazi Zosimea i Janinës Posted: 25 Apr 2018 01:54 AM PDT Mitro Saqellari Zosimea e Janinës ka qenë në vitet 1830 – 1930 një nga gjimnazet më të shquara të kontinentit Europian. Ajo është shquar si vatra e rilindjes shqiptare. PERSONALITETE TË SHQUARA ANASTAS SAKELLARI Por dhe në librin e Milo Kristanit ” Hoshteva & Hoshtevjatët ” me bashkautor Ll. Saqellarin . Anstas Saqellari 24 karat zagorit Qirkua largohet nga shërbesat fetare Bashkë me të vëllanë vinë në Hoshtevë. Të nesërmen mbasi mbaroi shërbesën në kishën e Hoshtevës do të vinte në kishën e Konckës për të bërë të njëjtën gjë, por gjatë shërbesës kërkon ujë, në moment ujët iu kthye në gjak, dhe ai la shërbimet kishtare, hoqi dorë nga kisha se vrau një njeri. Kjo është historia e Anastas Saqellarit, pionierit të atdhetarizmit shqiptar që regjistroi në shkollë babain e kombit shqiptar Ismail Qemalin, mori para që e futi në shkollë dhe mirë bëri, rrezikoi për vete, mbasi komprometoi dhe koleg , mbase jo. Por kur hidhen në peshore dhe bëhet seleksionimi rezultati del flori … Kush nuk e merr paranë e Beut?! |
| Plani i “çmendur”, Reali heq dorë nga Neymar, tani kërkon Mbappe… Posted: 25 Apr 2018 01:44 AM PDT
Real Madrid po përgatit një ofertë prej 200 milionë eurosh për sulmuesin e PSG-së, Kylian Mbappe, raporton "Don Balon". "Los Blancos" shpresonin ta merrnin Mbappe verën e kaluar, por u mposhtën në përpjekjet e tyre nga një ofertë prej 180 milionë eurosh, fillimisht për huazim dhe këtë verë për blerje, e bërë prej gjigantëve të Ligue 1. Tani, presidenti i Real Madridit, Florentino Perez, shpreson ta tërheqë PSG-në pas vetes, që ta shesë të riun francez, duke premtuar se do ta braktisë ndjekjen dhe interesimin për Neymar, nëse Mbappe lejohet të largohet nga Franca. Ka qenë Sergio Ramos, ai që e ka "revolucionarizuar" sfidën Bayern Munich-Real Madrid me një filtrim zanor: "Florentino Pérez tashmë po punon për një nënshkrim të befasishëm prej 200 milionë eurosh". Kapiteni i Real Madridit me siguri që di shumëçka. Dhe, në këtë rast, kjo nuk ka të bëjë fare me Harry Kane, por është diçka shumë më e zhurmshme: Kylian Mbappé, shkruan telesport. Florentino Perez ka qenë i bindur se gjëja më e mirë për Real Madridin është të rrezikojë gjithçka për gjithçka, sepse bëhet fjalë për një lojtar, i cili thirret që të shënojë një epokë të tërë në futbollin europian. Mbappé shkëlqeu në radhët e Monakos, por pronari i PSG-së, Nasser Al-Khelaifi, ofroi 180 milionë euro verën e kaluar, duke e marrë talentin francez në formë huazimi dhe pastaj blerje të plotë të kartonit të tij. Por, UEFA e ka vënë nën hetim klubin parizien, për shkelje të "fair-play financiar", ndaj drejtuesit e PSG-së duhet t'i "pastrojnë disi dollapët" l.h/ dita |
| Posted: 25 Apr 2018 01:38 AM PDT Nga Fate Velaj Në Kaninë të Vlorës, në datë 22 Prill, për herë të parë në histori, u festua 567 vjetori i dasmës më kuptimplotë të historisë së kombit shqiptar, asaj të Skënderbeut me Donika Arianitin. Si ideator dhe organizator i këtij aktiviteti, realizova një ëndrrën time të vjetër, shprehur prej vitesh mes miqsh e, për ta realizuar këtë, iu drejtova përsëri miqve, vëllezërve të mi kaniniot, që e mbajtën në zemër e në mendje këtë ngjarje dhe e realizuam ashtu siç mundëm. Madje, shumë herë më bukur seç kishim mundësitë. Fillimisht u hodh helmi i një hardhuce, se dasma ka marrë para publike prej 25 milionë lekë. Do ishte mirë të kishte marrë, por nuk mori. Para publike kanë marrë shumë aktivitete në këto 27 vite, por jo të gjitha kanë qenë vlerë. Të krahasosh Kaninën me Romën është groteske, mjerane. Vetëm buxheti i kulturës së bashkisë së Romës është më i madh se i shtetit shqiptar. DASMA E KOMBIT. Ata që janë mësuar ta shohin kalin nga dhëmbët, e duan Shqipërinë vetëm me festa ëmbëlsirash, me festën e mishit të pjekur. Janë ata që kanë 27 vite që merren me analizat se kur iku gjermani i fundit nga Shqipëria, në datë 28 apo 29 nëntor 1944, e shpikën festat e tyre,të revanisë, të asudes, të reshedisë, të dhisë e të kecit.
|
| Fshehu pasurinë, Prokuroria dërgon për gjykim ish-kreun e komunës Pajovë Posted: 25 Apr 2018 01:38 AM PDT
Prokuroria e Elbasanit ka dërguar për gjykim çështjen ndaj ish-kryetarit të komunës së Pajovës, Albert Kreci, për pastrim parash. Ish-kryekomunari i Pajovës akuzohet për refuzim të deklarimit ose fshehje të pasurisë. Sipas Prokurorisë, Albert Kreci nuk ka deklaruar kontratë qiraje financiare për makinën "Mazda CX7", kontratë shitjeje, kontratë qiraje me çmim të blerjes 51.500 euro dhe kontratë me shumë 20 mijë Euro. Organi i akuzës ka dërguar gjithashtu për gjykim edhe Shpëtim Plakun, teknik për deklarim të rremë në polici. Prokuroria thotë se Albert Kreci nuk ka deklaruar as ushtrimin e aktivitetiti privat të llojit kabllor "TV-ALB Pajovë", të cilin e ka vendosur në emër të të pandehurit tjetër Shpëtim Plaku. Organi i akuzës së Elbasanit rendit edhe të tjera shkelje të rënda ligjore të kryera nga ish-kryetari i komunës Pajovë:
Ka bërë deklarim të rremë në shkelje flagrante të ligjit nr.9049, datë 10.04.2003 dhe si rrjedhim edhe të nenit 257/a/2 të K.P për këto akte:
l.h/ dita |
| Champions, sonte Bayerni kërkon hakmarrje ndaj Real Madrid Posted: 25 Apr 2018 01:27 AM PDT Bayern Mynih-Real Madrid premton gjithmonë spektakël. Sonte në mbrëmje në "Allianz Arena" luhet akti i parë i gjysmëfinaleve të Champions mes rekordmenëve gjerman dhe Realit mjeshtërit të Championsit. Pritet një duel i fortë me emocione dhe grintë ku bavarezët do të kërkojnë hakmarrje. Vidal dhe Alaba janë dy mungesat e mëdha të Bayernit ndërsa pritet titular në të majtë të mbrojtjes Rafinha e më pas në skemën 4-1-4-1 do të luajnë Robben e Ribery së bashku me James, Muller e Lewandowski. Trajneri i gjermanëve Jupp Heynckes kërcënon madrilenët duke thënë: "jemi në një formë të ngjashme si në vitin 2013-të kur fituam tripletën. Unë kam kujtime të mira nga Champions. Në këto sfida nuk ka favoritë por kam ndjesi të mira", e mbyll trajneri i Bayernit. Mëse gati për luftë është edhe Real Madrid që Championsin e ka në AND-në e tij. Skuadra është përgatitur prej një jave për këtë duel dhe formacioni do jetë ai tradicionali. 10 lojtarë janë të përcaktuar dhe vetëm për një vend luftohet në formacionin e Zinedine Zidane. Rikthim i rëndësishëm pas pezullimit është a ii kapitenit Ramos. I qetë dhe pa emocione është paraqitur Zidane në konferencën për shtyp pasi për të një gjysmëfinale Championsi nuk është diçka e re. "Jemi gati, nuk i trembemi aspak Bayernit pasi jemi shumë mirë fizikisht dhe psikologjikisht. E dimë që do jetë ndryshe nga një vit më parë por ne do të japim 150% për të kapur finale", përfundon tekniku francez. Kompanitë e basteve për ndeshjen e mbrëmjes së sotme shohin Bayernin disi favoritë. o.j/dita |
| Vettingu ngec tek shifrat, KPK shtyn vendimin për Xhoxhajn Posted: 25 Apr 2018 01:17 AM PDT
Komisioni i Pavarur i Kualifikimit duhej të dilte në orët e paradites së kësaj të mërkure me një vendim përfundimtar në lidhje me fatin e gjyqtares së Gjykatës Kushtetuese, Altina Xhoxhaj. Por e ka shtyrë në momentin e fundit nxjerrjen e vendimit. Shtyrja është bërë për shkak të kohës që kërkohet në llogaritjen e likuiditetiteve në deklaratën e pasurisë së gjyqtares. Gjatë seancë dëgjimore publike, të mbajtur ditën e hënë, KPK tha se për blerjen e një apartamenti 101 metra/katrorë në Tiranë, Xhoxhaj nuk justifikon të ardhurat prej mbi 4 milionë lekë. Nuk justifikohen gjithashtu, thotë KPK, dy llogari bankare që janë 61 mijë dollarë dhe 15 mijë euro, si edhe kursimet me vlerën e 6 milionë lekëve. Edhe për truallin në Gjirin e Lalzit dhe një banesë dupleks, nuk dihej burimi i 450 mijë lekëve në këtë investim. Sipas KPK, nga hetimi administrativ gjyqtarja Kushtetuese nuk justifikon gjithashtu edhe shpenzimet ndër vite. Vetë gjyqtarja nuk foli, por reagoi përmes avokates së saj, menjëherë pas gjetjeve fillestare të Komisionit të Pavarur të Kualifikimit dhe një ditë më vonë përmes një deklarate për mediat. Avokatja Shehi thotë se gjyqtarja ka si pasuri pas 24 viteve punë në organet e drejtësisë: gjysmën e një apartamenti prej 59 metrash katrorë në Ishëm të Durrësit, gjysmën e truallit prej 220 metrash katror nën dhe rreth këtij apartamenti. Sipas avokates, pasuria apartament prej 100 m2 është shlyer plotësisht nga Bashkejetuesi, i cili si subjekt i ligjit për deklarimin e pasurive ka deklaruar dhe provuar burimin e të ardhurave me deklarimet e bëra nisur nga viti 2003. Në procesin e regjistrimit në Zyrën e Regjistrimit të pasurive të Paluajtshme, gjysma e këtij apartamenti është regjistruar edhe në emër të Altina Xhoxhajt në vitin 2011, si bashkëpronësi e dhuruar nga Bashkëjetuesi me të cilin ka dy fëmijë. Avokatja zbardh edhe të ardhurat e gjyqtares nga puna në vitet 2003-2016 në shumën 23.4 milionë lekë dhe të ardhurat e bashkëjetuesit për të njëjtën periudhë, në shumën 25.4 milionë lekë si dhe kursimet në formën e depozitës prej 30 mijë dollarësh. Trupa e KPK-së njoftoi se vendimi do të dalë më datën 3 maj. l.h/ dita |
| Pse terroristët nuk sulmojnë Italinë? A ka lidhje “mafia”? Posted: 25 Apr 2018 01:15 AM PDT Është fotoja e një djali të ri, i kthyer me shpinë, me një thikë të madhe në dorë. Përkrah tij shkruhet me shkronja të mëdha në italisht "Duhet t'i Luftosh". Fotoja u shpërnda Gushtin e shkuar në "Telegram", aplikacionin e preferuar të ISIS-it. Ishte ftesë e hapur për "ujqit e vetmuar" që të vrisnin italianët. "Site Intelligence Group", faqja e internetit që monitoron komunikimet e xhihadistëve, e vendosi foton pak pasi u shpërnda videoja e guerrilasve të ISIS-it në Filipines, të cilët shfaqeshin duke sulmuar një kishë katolike dhe duke grisur foto të Papës Françesk. "Ju qafirë (të pafè), mbajeni mend këtë", thoshte personi i maskuar duke tundur gishtin para kamerës: "Do të vijmë në Romë, inshallah!" Kërcënimi i tij që prej 10,000 kilometrash distancë mund të duket si larg nga realiteti. Por dëshira e xhihadistëve për të sulmuar shtëpinë e krishterimit perëndimor është mëse reale. Prandaj është mbresëlënës fakti që Italia nuk ka qenë asnjëherë shënjestër e sulmeve si ato që kanë ndodhur në Britani, Francë, Gjermani e Spanjë. Dhe nuk ka lidhje me numrin e lartë të emigrantëve të secilit vend, sepse vetëm në gjysmën e parë të vitit 2017 Italia ka pritur 82% të të gjithë emigrantëve që kanë zbritur në Europë. Disa e shpjegojnë me faktin që mafia italiane nuk i ka lejuar xhihadistët të organizohen. Por këtë ide nuk e mbështet Arturo Varveli, anëtar i Institutit për Studime të Politikave Ndërkombëtare, një grup ekspertësh në Milano. Ai thotë që mafia italiane e ka kontrollin në jug, dhe emigrantët myslimanë jetojnë të përqendruar në veri të Italisë Një zyrtar i lartë i policisë italiane thotë se mafia ka ndikuar vërtet, por jo ashtu siç mendojnë njerëzit. Lufta që i ka bërë policia italiane grupeve mafioze italiane ndër dhjetëvjeçarë u ka dhënë një përvojë të mirë për sa i përket krimit të organizuar. Dhe policia italiane nuk ka pasur të bëjë vetëm me mafian, por edhe me ekstremistët politikë (të majtë e të djathtë) që kanë qenë aktivë në Itali mes viteve 1970 dhe 1980, dhe që planifikonin sulme terrori. Krimi i organizuar dhe terrorizmi ndër vite ka bërë që gjykatësit italianë të jenë më të shpejtë kur u kërkohet autorizim për të përgjuar të dyshuarit. Historia e viteve të fundit në Itali shpjegon edhe pse vendi është aq i ashpër kundër atyre që përpiqen ta shfajësojnë terrorizmin. Më 24 shtator, kur një avion Boeing 737 u nis nga aeroporti i Bolonjës për në Tiranë, kryeqytetin e Shqipërisë, brenda kishte personin e 209-të që dëbohej nga Italia që nga viti 2015 për ekstremizëm fetar. Myslimani 22 vjeçar ishte arrestuar nga policia teksa përpiqej t'u mbushte mendjen njerëzve të mos futeshin brenda në kishë. Ai ishte mbajtur një ditë në qeli dhe ishte liruar të nesërmen. Më pas ishte mbajtur nën vëzhgim të plotë nga policia, deri sa u vendos për ta dëbuar. Policët italianë thonë se kanë më pak të dyshuar për të montuar se kolegët e tyre francezë e britanikë, për faktin se shumica e të dyshuarve janë dëbuar nga vendi. Numri i "luftëtarëve të huaj" që janë nisur nga secili vend për të ndihmuar ISIS-in tregon në një farë mënyre se ku ka më shumë të radikalizuar. Një studim i Zyrës Kombëtare Amerikane për Kërkime Ekonomike arriti në përfundimin se nga Italia, në vitin 2014-2015, ishin nisur vetëm 87 luftëtarë të huaj për të ndihmuar ISIS-in. Nga Britania ishin nisur 760 e nga Franca gati 2500. Dhe të tria vendet kanë pothuajse numër të njëjtë popullsie. Sipas z.Varveli, kjo ndodh për dy arsye: Së pari, pak myslimanë që jetojnë në Itali i përkasin brezit të dytë të emigrantëve, të cilët janë më të prirur për t'u radikalizuar. Vetëm 0.3% e banorëve të Italisë janë emigrantë nga vende jashtë BE-së. Në Britani janë 3%, në Francë 3.9%. Veç kësaj, Italia nuk ka "ghetto" myslimanësh, lagje të veçuara e të pa-integruara emigrantësh nga Lindja e Mesme, siç është rasti në Francë. Michele Groppi, i cili jep mësim te Akademia e Mbrojtjes në Mbretërinë e Bashkuar, vë në dukje një faktor të tretë. Ai thotë se ka prova që sugjerojnë se kur Al-Kaeda ishte forca drejtuese e xhihadistëve, Italia përdorej si baza e armatimeve në Europë. "Kjo na ka mbajtur të sigurt, sepse na e kishin nevojën", thotë ai. Situata ka ndryshuar që atëherë. Shumë xhihadistë që kanë rënë në sy kohët e fundit kanë pasur në fakt lidhje me Italinë. Mes tyre është edhe Jusef Zagba, një maroken me nënshtetësi italiane, si dhe një prej tre terroristëve që përdorën një kamion dhe thika për të vrarë tetë njerëz në London Bridge, më 3 Qershor. Z.Groppi thotë se nëse Libia bëhet qendra e radhës për rebelimet e xhihadistëve, Italia dhe Vatikani do të ishin në rrezik serioz. /The Economist, Perkthimi: TCh o.j/dita |
| Auron Tare zgjidhet kryetar i Këshillit Shkencor në UNESCO Posted: 25 Apr 2018 01:10 AM PDT
Në Selinë e UNESCO-s në Paris, në sesionin e radhës së vendeve anëtare të Konventës së 2001 mbi Pasurinë Kulturore Nënujore Botërore u mbajt mbledhja e Këshillit Shkencor dhe teknik të kësaj Konvente. Me propozimin e përfaqësuesit të Argjentinës mbështetur nga Franca dhe Meksika, Këshilli Shkencor dhe Teknik i Pasurive Botërore Nënujore të UNESCO-s, votoi Auron Taren si Kryetar të këtij organizmi të rëndësishëm. Votimi ishte unanim pa asnjë votë kundër, në prani edhe të Sekretariatit të UNESCO si dhe të dhe Drejtores se Përgjithshme të Pasurive Botërore të Unesco-s. Ky pozicion i lartë 4 vjeçar, mbahet për herë të parë nga një shqiptar dhe vjen si angazhim i gjatë i z.Tare në kërkimet dhe zbulimet e anijeve të mbytura historike. l.h/ dita |
| I dënuar në Itali për shfrytëzim prostitucioni, arrestohet dibrani i kërkuar nga Interpol Posted: 25 Apr 2018 01:02 AM PDT
Një 24-vjeçar nga Dibra, është dënuar me 6 vite burg nga Gjykata e Torinos në Itali për shfrytëzim prostitucioni. Interpol Roma e kishte shpallur atë në kërkim ndërkombëtar, gjë e cila ka vënë në lëvizje Interpol Tiranën. Arrestimi i tij është bërë në Maqellarë, Dibër, ku edhe banonte. Njoftimi i Policisë: Kapet dhe ndalohet një shtetas i shpallur në kërkim ndërkombëtar nga Interpol Roma/ Itali Sektori për Hetimin e Trafiqeve dhe Narkotikëve në Drejtorinë Vendore të Policisë Dibër, si rezultat i një pune të mirëorganizuar, në njësinë Administrative Maqellarë, Dibër, kanë zhvilluar një operacion policor, ku është finalizuar me kapjen dhe ndalimin e shtetasit të shpallur në kërkim ndërkombëtar : Florjan Zeqja, 24 vjeç, banues në Maqellarë-Dibër. Ky shtetas është shpallur në kërkim ndërkombëtar nga Interpol Roma, Itali, pasi Gjykata e Torinos/Itali, ka lëshuar urdhrin e arrestit ndërkombëtar për veprën penale “Shfrytëzim prostitucioni”. Ky shtetas është dënuar me 6 vjet burg. Zyra Qëndrore Kombëtare Interpol Tirana, po kryen procedurat e nevojshme me qëllim e ekstradimin e këtij shtetasi drejt Italisë. l.h/ dita |
| Pse 2% e femrave janë biseksuale (dhe disa mendime mbi homoseksualizmin shqiptar) Posted: 25 Apr 2018 12:59 AM PDT Dr. Adem Harxhi Edhe pse ka të dhëna që flasin për faktorë biologjikë në shfaqjen e homoseksualizmit, deri sot nuk është zbuluar një gjen homoseksual. Sipas statistikave më të besuara rreth 2% e të gjithë femrave janë biseksuale. Ju duhet ta pranoni faktin, se rreth jush ka edhe njerëz që janë ndryshe nga ju. Por nuk ka asnjë arsye që një gay, lesbiane ose biseksual të jetë më krenar se një heteroseksual. Lidhur me martesat legale midis çifteve të të njëjtit seks, më duket se tradita dhe kultura jonë, akoma, nuk është e përgatitur ta pranojë këtë.
Homoseksualizmi dhe homofobia janë tema që vazhdimisht krijojnë debate dhe keqkuptime. Para disa ditësh në shtypin e përditshëm, kishte një diskutim për këto probleme. Me dëshirën që ju, miqtë e mi të rinj, të dini të orientoheni më mirë në këtë diskutim, i kthehem edhe një herë kësaj teme. Ju duhet ta pranoni faktin, se rreth jush ka edhe njerëz që janë ndryshe nga ju. Që ta pranosh dhe ta duash veten ashtu siç je, duhet të kesh fituar vetë-besimin. Të rinjtë gay, lesbiane, dhe biseksuale, e kanë më të vështirë rrugën që duhet të bëjnë për të njohur veten. Kjo është arsyeja pse shokët e tjerë rreth tyre, ushqejnë ndjenja homofobike ndaj tyre. Çdo ditë bëhen komente negative për këdo që nuk është 100% heteroseksual. Këto komente negative, zakonisht, i bëjnë homofobët. Urrejtja dhe intoleranca detyruese e homofobëve ndaj gay-ve, buron nga frika që ata ndjejnë, se mos edhe vetë janë homoseksualë. Askujt nuk i lejohet të përdorë etiketa, që synojnë të poshtërojnë ata që janë ndryshe. Njerëzit e shëndetshëm dhe që ndjehen të sigurtë, nuk i poshtërojnë të tjerët, nga që janë të ndryshëm. Ata nuk shqetësohen, pse të tjerët i akuzojnë se mbrojnë gay-të, lesbianet dhe biseksualët. Shembuj të sjelljeve diskriminuese ndaj gay-ve gjenden në media, në fe dhe në ligj. Fatkeqësisht, disa fe i shikojnë gay-të dhe lesbianet si mëkatarë. Media, shpesh, etiketon keq këdo që është i ndryshëm. Minoritetet kanë shumë vite që e provojnë këtë padrejtësi. Homofobia, që shkakton dhunën dhe keqtrajtimin e gay-ve, madje, edhe vrasjen e tyre, duket hapur në shoqëritë ku diskriminohen homoseksualët. Gazetat, kudo në botë, raportojnë shembuj tronditës të dhunës homofobike. Por, shumë krime homofobike mbulohen dhe kurrë nuk shfaqen në media ose në gjyq. Ju, me siguri keni dëgjuar për studentin e Rutger University, që në pranverë të vitit 2011 u hodh nga ura George Washington në New York. Ai u turpërua nga që shokët e panë të përfshirë në seks homoseksual. Pse ekziston homofobia? Shkak i homofobisë është qëndrimi kundër-gay i pjesës dërmuese të shoqërisë. Por këtu, nuk duhet të lëmë pa thënë se edhe "Marshimet e krenarisë gay", nuk sjellin ndonjë të mirë. Nuk ka asnjë arsye që një gay, lesbiane ose biseksual të jetë më krenar se një heteroseksual. Seksualiteti, orientimi seksual dhe preferencat seksuale, janë pjesë e personalitetit të njeriut dhe gjithkush vepron sipas preferencave dhe mundësive të tij. Gjithkush vepron sipas dëshirës dhe nuk ka arsye që ata vetë ose të tjerët, të duartrokasin zgjedhjen e tyre. Çiftet me gjini të njëjtë kanë të drejtën, por aspak privilegjin, ta duan njëri-tjetrin. Kjo është njësoj si dhe për çiftet me sekse të ndryshme. Të gjithë, hetero ose homoseksualë, i ndjejmë njësoj nevojat emocionale dhe seksuale, për të qenë të lirë dhe të dashuruar. Shumica nga ju janë heteroseksualë. Sipas statistikave vetëm 2% e njerëzve janë homoseksualë. Ka disa vende ku kjo shifër raportohet më e madhe. Sipas një statistike amerikane të vitit 2002; 11.5% e grave dhe 6.2% e burrave të moshës 18-44 vjeç, kanë kryer disa kontakte seksuale me të njëjtin seks. Sipas një anketimi tjetër të vitit 1992, vetëm 4% e grave dhe 4.9% e burrave, kishin kryer kontakte të tilla homoseksuale. (Associated Press, MSNBC, Shtator 15, 2005; Tamar Lewin, New York Times 2005). Nga kjo statistikë shihet qartë se në dhjetë vjet, kontaktet homoseksuale të grave janë trefishuar, ndërsa për burrat, rritja e kontakteve homoseksuale është më e vogël. Ju dëgjoni zëra që u thonë se orientimi i juaj seksual nuk është zgjedhja e juaj, por është e lindur. Juve u thuhet, gjithashtu, se ju nuk mund ta ndryshoni orientimin tuaj seksual gjatë jetës. Unë mendoj se kjo nuk është plotësisht e drejtë, për këto arsye:
Këto fakte tregojnë, se faktori biologjik nuk është i vetmi që përcakton homoseksualitetin, por ka edhe faktorë të tjerë socialë e edukativë. Rritjen e numrit të lesbianeve, shumë autorë, e shpjegojnë me këto dy arsye:
Sipas statistikave më të besuara rreth 2% e të gjithë femrave janë biseksuale (National Center for Health Statistics ). Të rinjtë, për të kuptuar orientimin e tyre seksual, ndonjëherë, u duhen vite të tëra. Shumë pyetje dhe komente që bëjnë ata lidhur me seksualitetin, shprehin konfuzionin që ata kanë lidhur me identitetin e tyre seksual. Konfuzioni vjen nga që shoqëria është e mbyllur dhe nuk i pranon, akoma, gay-të dhe lesbianet. Të rinjtë janë, akoma, në procesin e njohjes së vetes. Ata janë duke zbuluar preferencat e tyre seksuale dhe ky është një proces krejt normal. Rrugëtimi i tyre seksual shoqërohet edhe me fantazi dhe eksperimentime me seksin e njëjtë. Kjo është normale për adoleshentët. Ata janë në kërkim të vetes dhe dëshirojnë të eksperimentojnë. Homoseksualiteti është subjekt i komplikuar. Identiteti seksual i të rinjve është përzierje e dëshirave, e fantazive dhe sjelljeve të tyre seksuale. Të jesh gay, lesbiane, biseksuale, ose heteroseksual është një gjendje mendore, po aq sa dhe një sjellje seksuale. Konfuzioni, lidhur me preferencat tuaja seksuale rritet, nga përpjekja që ju bëni për të gjetur për veten dhe për të tjerët një vrimë pëllumbi të caktuar. Kjo vjen nga tendenca që ne kemi, për t'i klasifikuar sjelljet e njerëzve si ekstreme dhe të kundërta. Ato pak fantazi që kanë disa nga ju, për të bërë seks me shokët e shoqet e së njëjtës gjini, flasin për dëshirën që ata kanë për të eksperimentuar seksualisht. Kjo, kurrsesi nuk do të thotë se ata janë gay ose lesbiane. Po qe se nuk veprojnë sipas fantazive që kanë tani, ata do ta kenë të vështirë të përcaktojnë orientimin dhe preferencat e tyre seksuale për vitet që do pasojnë. Ka disa nga ju që janë, siç i quajnë, transseksualë. Ata nuk janë as gay as lesbiane. Ndryshe nga shumica juaj, djem dhe vajza, që jeni të kënaqur me gjininë që keni, transseksualët janë të pakënaqur me gjininë që kanë. Ata ndjejnë se nuk i përkasin, emocionalisht, gjinisë anatomike të trupit të tyre. Atyre u duket sikur janë zënë në grackë në një trup të gabuar, që nuk është i gjinisë së tyre. Njerëzit shpesh mendojnë se duke qëndruar pranë mësuesve, ose njerëzve të tjerë që janë gay, edhe ata do të bëhen homoseksualë. Kjo është, krejtësisht e gabuar. Është krejt normale, që disa të rinj, ndonjëherë, të eksperimentojnë marrëdhënie seksuale me shokë dhe shoqe të të njëjtit seks. Kjo do t'i ndihmojë ata të kuptojnë se çfarë janë. Duke thënë këtë, në asnjë mënyrë nuk rekomandoj, që të gjithë adoleshentët të eksperimentojnë marrëdhënie seksuale me të njëjtën gjini. E përsëris, kjo vlen vetëm për disa të rinj! Ju duhet të dini se të gjitha format e marrëdhënieve seksuale, siç janë, masturbacioni reciprok, seksi oral, seksi anal, interkursa, puthjet, përkëdheljet, janë sjellje seksuale të sigurta për adoleshentët homoseksualë, ashtu siç janë të sigurta edhe për adoleshentët e drejtë. Siç e theksova edhe më lart, nuk duhet të ngatërrohet orientimi seksual me politikat seksuale. Është e gabuar dhe false ideja, që gratë që përkrahin lëvizjen feministe duhet të zgjedhin gra për partnere seksuale. Sipas shumë studiuesve, kjo është një nga arsyet që janë rritur shumë rastet e marrëdhënieve lesbiane. Në favor të këtij opinioni është dhe fakti se deri sot, nuk ka asnjë të dhënë biologjike shkencore në favor të lesbianizmit. Kurrë, mos i u dorëzoni presioneve. Mësohuni të ndjeheni mirë me veten tuaj. Mund të duhet kohë për të njohur veten. Kjo nuk ka rëndësi. Rëndësi ka mënyra si ndjeni dhe veproni ju vetë. Ajo që mendojnë të tjerët, në krahasim me atë që mendoni dhe ndjeni ju për veten, nuk ka fare rëndësi. Disa nga ju qëndrojnë, siç i thonë, të mbyllur në dollap. Ata jetojnë si gay, lesbiane, ose biseksualë të fshehur. E kuptoj arsyen pse ata zgjedhin ta mbajnë sekret identitetin e tyre seksual. Ata orientimin e tyre seksual ua shfaqin vetëm pak shokëve, ose fare pak prindërve. Ata duhet të gjejnë kurajën ta shfaqin orientimin e tyre seksual. Këtë duhet ta bëjnë vetëm në ambiente që i mbështetin. Adoleshentët e rinj që ndjejnë se janë gay ose lesbiane, bëjnë mirë të mos e afirmojnë dashurinë e tyre homoseksuale ende pa shkuar në gjimnaz. U lutem ta respektoni këtë këshillë: Prisni, që në kohën e duhur dhe në vendin e duhur të kuptoni kush jeni, heteroseksualë ose homoseksualë. Po qe se nxitoni të shfaqni prirjet tuaja seksuale para kohe, kjo mund të jete shkak për gabime qe do t'i vuani gjithë jetën. Në vende të mëdha ka grupe adoleshentësh që organizohen nga gay-të dhe lesbianet, ku diskutojnë orientimin dhe preferencat e tyre seksuale. Në vendin tonë të tilla organizime nuk ka. Edhe pse thuhet që këto organizime janë shumë ndihmuese për adoleshentët, personalisht, dyshoj në vlerën e tyre dhe nuk do t'i rekomandoja. Interneti është një burim i mirë informimi për seksualitetin. Asnjë adoleshent nuk duhet të mbetet në errësirë, lidhur me seksualitetin e tij. Gjithkush duhet të përpiqet të gjejë informacionin e kujdesshëm dhe ndihmues për këto çështje. Sipas shumë studimeve, adoleshentët gay dhe biseksualë janë të predispozuar për tentativa vetëvrasëse. Këta adoleshentë duhet të bien në kontakt me gay të tjerë të shëndetshëm, të cilët do të ofrojnë këshilla dhe inkurajim. Dua ta theksoj edhe njëherë, askush nuk e zgjodhi vetë të jetë homoseksual, gay, lesbiane, ose biseksual. Homoseksualët dëshirojnë marrëdhënie seksuale të kënaqshme me seksin e njëjtë. Kjo është mënyra që ata zgjedhin për një jetë intime të mirë. Por kjo nuk është e mjaftueshme. Këto veprime homoseksuale duhet t'i aprovojë edhe shoqëria. Ata nuk duhet të bien ndesh me kulturën dhe traditën popullore të vendit. Çdo veprim që shkel rregullat dhe traditat e kulturës së vendit, e ka një çmim. Hapat duhet të hidhen me kujdes. Lidhur me martesat legale midis çifteve të të njëjtit seks, më duket se tradita dhe kultura jonë, akoma, nuk është e përgatitur ta pranojë këtë. Tek ne nuk është vetëm feja kundër martesave homoseksuale. Këto lloj martesa janë akoma të papërshtatshme dhe të pambështetura nga shoqëria shqiptare. Kundërshtitë do të vazhdojnë edhe për shumë vite, madje edhe sikur ligjvënësit të bëjnë legjislacionin që do t'u japë gay-ve dhe lesbianeve të njëjtat të drejta me heteroseksualët. Do të marrë kohë që këto martesa opinioni ynë shoqëror t'i pranojë. Në qofte se legjislacioni nuk do të marrë parasysh traditën dhe kulturën kombëtare, pa dyshim, që do të hapen probleme të mëdha. Në fund të fundit, çdo popull meriton t'i respektohet ajo që beson më shumë. Ne nuk duhet të bëjmë, patjetër, atë që bën Suedia, ose Holanda dhe vende të tjera, pa pritur të vijë koha dhe zhvillimi për këtë. Gjithçka e sforcuar është me rreziqe. Botuar në Dita |
| You are subscribed to email updates from Gazeta Dita. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
