“Modric: Është e mundur ta përfundoj karrierën në MLS” plus 9 more Telegrafi Futboll |
- Modric: Është e mundur ta përfundoj karrierën në MLS
- Di Francesco: Duhet të luajmë si një ekip dhe kolektiv ndaj Liverpoolit, tanimë po e imagjinojë atmosferën
- Bayerni i vendosur të bllokojë transferimin e Lewandowskit te Reali
- Figo: Icardi mund të jetë yll te Real Madridi
- Enis Bardhi kthehet në skenë, dy super gola për dy minuta nga gjuajtja e lirë ndaj Athletico Bilbaos
- Torres i fokusuar për të fituar trofe me Atleticon
- Dihen tashmë klubet nga Kosova që do të luajnë në Evropë, mbetet të caktohet vetëm gara
- Bernard Berisha shënon një gol të bukur dhe asiston në kampionatin rus
- De Gea shtyn drejt transferimit te Real Madridi
- Pesë lojtarët e Chelseat që nga vera do të kërkojnë një vend në skuadër pas shkëlqimit në huazim
Modric: Është e mundur ta përfundoj karrierën në MLS Posted: 23 Apr 2018 02:57 PM PDT Luka Modric ka pranuar se është e mundur që ai të përfundojë karrierën e tij në Major League Soccer të Shteteve të Bashkuara. Mesfushori kroat ka luajtur për Los Blancos që nga transferimi i tij nga Tottenham në vitin 2012 dhe kontrata e tij në Bernabeu vlen deri në qershor të vitit 2020. Megjithatë, gjatë muajit të fundit ka pasur zëra që Modric mund të largohet në verë nga Los Blancos dhe pak a shumë këto zëra i ka konfirmuar edhe vet kroati. “Ju kurrë nuk e dini se çfarë mund të ndodhë”, ka thënë fillimisht Modric për STV Sport, citohet ESPN FC. “Kam ende dy vite më shumë në kontratën time me Real Madridin, jam i lumtur”. “Gjithmonë thosha se do të doja të përfundoja karrierën time në Madrid nëse është e mundur. Por nëse jo, ndoshta unë mund të shoh veten time (në SHBA)”. “Ai (Zlatan) ishte një lojtar i madh në Evropë, 10-20 vitet e fundit, një nga sulmuesit më të mirë. Është vendimi i tij, i uroj atij të gjitha më të mirat dhe shpresoj se ai do ta shijojë futbollin atje”. “Do të doja të qëndronte pak më shumë në futboll për ta parë atë, për të parë magjinë e tij në vitet e fundit dhe ne do të shohim, por i uroj atij gjithçka më të mirë në të ardhmen”, përfundoi kroati. /Telegrafi/ The post Modric: Është e mundur ta përfundoj karrierën në MLS appeared first on Telegrafi. |
Posted: 23 Apr 2018 02:38 PM PDT Trajneri i Romës, Eusebio Di Francesco nuk pret që të mposhtin Liverpoolin në Anfield, por pret që skuadra e tij të luaj si një ekip dhe një nivel me kundërshtarin. Roma luan ndaj Liverpoolit në Angli për ndeshjen e parë të gjysmëfinales së Ligës së Kampionëve dhe trajneri italian iu drejtua mediave në konferencën e tij për shtyp para ndeshjes, duke thënë se pret një atmosferë të madhe dhe një ndeshje të vështirë ndaj Reds. “Para së gjithash është bukuria e stadiumeve angleze, unë tashmë mund të imagjinoj atmosferën e nesërme”, ka thënë fillimisht Di Francesco në konferencë për shtyp. “Ata do të luajnë në shtëpi, por do të kemi dashuri të madhe të tifozëve tanë dhe forcën për të luajtur së bashku”. “Është e rëndësishme që ne jemi edhe më shumë si një ekip dhe luajmë si kolektiv, kundër një ekipi tjetër. Ne duhet të jemi në një nivel me ta për të konkurruar”. “Unë mendoj se po përballemi me një kundërshtar krejt tjetër, shumë agresiv. Ata kanë cilësi të shkëlqyeshme dhe ata janë ekipi që ka aftësinë më të madhe për të dalë në sulm menjëherë”. “Ne kemi ardhur këtu për të luajtur futboll, për të imponuar koncepte të caktuara, për të shfrytëzuar dobësitë e tyre dhe për të mos biem në ndonjë kurth”. “Ju nuk mund të krahasoni Spalin me Liverpoolin, por ne kemi pasur këto koncepte për një kohë dhe ne kemi fituar më shumë forcë mendore”. “Unë shpresoj se mund ta marrim atë forcë mendore në fushë”, përfundoi trajneri i Romës. /Telegrafi/ The post Di Francesco: Duhet të luajmë si një ekip dhe kolektiv ndaj Liverpoolit, tanimë po e imagjinojë atmosferën appeared first on Telegrafi. |
Bayerni i vendosur të bllokojë transferimin e Lewandowskit te Reali Posted: 23 Apr 2018 02:14 PM PDT Bayern Munich është i vendosur të bllokojë çdo lëvizje të Robert Lewandowskit te Real Madridi këtë verë pavarësisht dëshirës së sulmuesit për të lënë Allianz Arenan. Bayern do të luaj ndaj ekipit të Zinedine Zidanes në gjysmëfinale të Ligës së Kampionëve të mërkurën mbrëma, me spekulime të shumta se Lewandowski mund të rreshtohet te Los Blancos në sezonin e ardhshëm. Madridi është i vendosur për të forcuar vijën e sulmit në sezonin e ri me Karim Benzeman që po shënon pak gola dhe Gareth Bale i paaftë për të bërë ndonjë ndikim pas një varg lëndimesh. Lewandowski shihet si shtojca ideale e sulmit, me 29-vjeçarin që ka shënuar 39 gola në 43 paraqitje në të gjitha garat për kampionët e Bundesligës. Sulmuesi polak është e prirur për të bërë një lëvizje të madhe përpara se të hyjë në muzg të karrierës së tij dhe në fillim të këtij sezoni ndërroi agjentin i tij, Cezary Kucharski, me super-agjentin Pini Zahavi. Marrëveshja e tij e tanishme në Bayern nuk mbaron deri në verën e vitit 2021, dhe kampionët e Bundesligës janë vendosur të mos lejojnë largimin e njërit nga yjet më të çmuara të skuadrës. Duke pasur parasysh statusin e tyre si një nga klubet më të mëdha në futbollin evropian, Goal.com kupton se Bavarezët nuk mendojnë se mund të detyrohen të shesin ndonjë lojtar për të cilin ata duan të mbajnë, ndërsa duan gjithashtu t’i japin menaxherit të ardhshëm Niko Kovac mundësitë më të mira të mundshme për të pasur sukses. Madrid kishte shpresuar se lehtësia në të cilën u arrit një marrëveshje për James Rodriguez për të shkuar në Gjermani do t’i ndihmonte ata në negociatat për polakun, por duket se ndjekja e tyre për ish-yllin e Borussia Dortmundit nuk do të jetë aq e drejtpërdrejtë. Kjo nuk është hera e parë që të dy klubet e kanë gjetur veten në këtë situatë, pasi Bayern ka refuzuar më parë të shesë Franck Ribery në vitin 2009, pavarësisht se ka marrë Arjen Robben nga Santiago Bernabeu më parë atë vit. /Telegrafi/ The post Bayerni i vendosur të bllokojë transferimin e Lewandowskit te Reali appeared first on Telegrafi. |
Figo: Icardi mund të jetë yll te Real Madridi Posted: 23 Apr 2018 01:50 PM PDT Legjenda e Real Madridit dhe Interit, Luis Figo ka thënë se sulmuesi i Interit, Mauro Icardi, është i aftë të transferohet dhe të luajë tek gjigantët spanjollë. Icardi ka shënuar më shumë se 30 gola këtë sezon në të gjitha garat për Nerazzurrët. Forma e tij e lartë dhe golat nga të gjitha pozitat kanë bërë që Icardi të bëhet njëri nga sulmuesit kryesorë në botë. Këto paraqitje kanë bërë që kapiteni i Interit të jetë shumë i kërkuar nga skuadrat më të mëdha evropiane, ku Reali thuhet të jenë më të interesuarit. Argjentinasi ishte gati të bashkohej me Realin në muajin janar, por thuhet se trajneri Zinedine Zidane ka bllokuar marrëveshjen mes kërkesave që dëshironte të mbronte Karim Benzeman. Megjithatë, ish-mesfushori portugez i Mbretërve, Figo, nuk do të habitej nëse Reali përpiqet përsëri ta transferojë këtë verë. “A është i gatshëm të luajë për Real Madridin? Lojtarët e mëdhenj si ai përshtaten me çdo situatë, ata kanë cilësi për të luajtur në çdo ekip”. “Më shumë se vullneti i lojtarit, do të varet nga situata financiare e Interit”, përfundoi ish-fituesi i Topit të Artë. /Telegrafi/ The post Figo: Icardi mund të jetë yll te Real Madridi appeared first on Telegrafi. |
Enis Bardhi kthehet në skenë, dy super gola për dy minuta nga gjuajtja e lirë ndaj Athletico Bilbaos Posted: 23 Apr 2018 01:41 PM PDT Levante është duke fituar në udhëtim ndaj Athletico Bibaos me rezultat 2-1. Mesfushori shqiptar nga Maqedonia, Enis Bardhi, është kthyer të luajë titullar në Levante dhe ka shkëlqyer. Ai ka shënuar dy herë ndaj Athletic Bilbaos, madje të dyja nga gjuajtja e lirë. Fillimisht shënoi në minutën e 42-të, ndërsa pas dy minutash shënoi përsëri.
Ky është goli i gjashtë i Bardhit në La Liga. Për Levante ai luajti deri në minutën e 71-të ku u zëvendësua. Armando Sadiku ishte në bankë dhe nuk luajti për asnjë minutë në këtë ndeshje. /Telegrafi/ The post Enis Bardhi kthehet në skenë, dy super gola për dy minuta nga gjuajtja e lirë ndaj Athletico Bilbaos appeared first on Telegrafi. |
Torres i fokusuar për të fituar trofe me Atleticon Posted: 23 Apr 2018 01:34 PM PDT Fernando Torres i ka vënë synimet e tij drejt fitimit të titullit për herë të parë në karrierë me Atleticon. Sulmuesi 34 vjeçar nuk e ka fituar kurrë ndonjë garë me Atletico Madridin. “Fokusi im i vetëm tani është që të fitoj titullin e parë me Atleticon”. “Nuk më ndihmon mua ose ekipit të mendojmë për ndonjë gjë tjetër pos për tituj”. “Karakteri i skuadrës është i fortë për momentin përkundër faktit se na mungojnë disa lojtarë”. “Ne do të luftojmë për titullin e Europa League dhe e dimë se Arsenali përfaqëson sfidë të madhe”, potencoi Torres. Atletico të enjtën takohet me Arsenalin në ndeshjen e parë gjysmëfinale të Europa League. /Telegrafi/ The post Torres i fokusuar për të fituar trofe me Atleticon appeared first on Telegrafi. |
Dihen tashmë klubet nga Kosova që do të luajnë në Evropë, mbetet të caktohet vetëm gara Posted: 23 Apr 2018 11:48 AM PDT Drita dhe Prishtina janë duke luftuar kokë më kokë për titull të kampionit, me gjilanasit që janë tri pikë para. Drita fitoi në Podujevë kundër Llapit (3-1), në një ndeshje që prodhoi gjithçka brenda 90 minutave. Madje ndeshja dy herë u ndërpre nga tifozët që u futën në fushë, duke aluduar se ndeshja është e kurdisur. Në ndeshjen tjetër Prishtina arriti ta mposht 1-0 në udhëtim Vllazninë e motivuar. Pikërisht Drita dhe Prishtina, me gjasë të madhe janë dy skuadrat që do të luajë në Evropë sezonin e ardhshëm. Kjo pasi Drita është lider dhe e shumta që do të pësonte do të ishte vendi i dytë që edhe në këtë rast dërgon në Evropë, pasi Prishtina është në finale të Kupës dhe edhe nëse Vëllaznimi e fiton, vendi i dytë i kampionatit dërgon në Evropë. Prishtina marrjen pjesë në Ligën e Evropës e ka të sigurt. Pasi edhe përmes Kupës edhe përmes vendit të dytë shkon në këtë garë. Prishtinasit janë në kërkim të vendit të parë dhe do të luftojnë deri në xhiron e fundit. /Telegrafi/ The post Dihen tashmë klubet nga Kosova që do të luajnë në Evropë, mbetet të caktohet vetëm gara appeared first on Telegrafi. |
Bernard Berisha shënon një gol të bukur dhe asiston në kampionatin rus Posted: 23 Apr 2018 11:43 AM PDT Mesfushori i Përfaqësueses së Kosovës, Bernard Berisha, ka shënuar gol dhe ka asistuar sot (e hënë) në një ndeshje kampionale në Rusi. Akhmat Grozny ka marr një fitore të madhe në udhëtim te Spartak Moskoë me rezultat 3-1. Merita të mëdha për këtë fitore padyshim se ka edhe ylli i Kosovës, Bernard Berisha. Mesfushori pejan ka arritur të shënoj gol dhe të asistoj në këtë fitore, duke vulosur fitoren e skuadrës së tij. Berisha shënoi golin e epërsisë 3-0, gol ky që erdhi në minutën e 50-të të ndeshjes, ndërsa asistimi erdhi tek goli i parë në minutën e 11-të. 26-vjeçari ka shënuar një gol të bukur pas një aksioni individual të nisur nga gjysma e fushës. Megjithatë, ky ishte goli i parë për Berishën në këtë sezon, derisa ka vetëm një asistim. Kjo fitore vlen shumë për skuadrën nga Grozny pasi i largohet zonës së rreptësisë, duke u renditur tani në pozitën e 10-të me 34 pikë. /Telegrafi/ The post Bernard Berisha shënon një gol të bukur dhe asiston në kampionatin rus appeared first on Telegrafi. |
De Gea shtyn drejt transferimit te Real Madridi Posted: 23 Apr 2018 11:27 AM PDT David De Gea po shtyn drejt largimit nga Manchester Unitedi për tu transferuar në verë tek gjiganti spanjoll, Real Madridit. Portieri spanjoll ka gëzuar një sezon fantastik me Unitedin, duke u zgjedhur edhe në formacionin më të mirë të vitit. Ai është në garën për të fituar dorezën e artë dhe skuadra e tij do të luajë në finalen e Kupës FA në mes të majit. Megjithatë, gazeta spanjolle Don Balon pretendon se De Gea dëshiron të shkojë në shtëpi, në Spanjë. Një lëvizje në Real Madrid është alternativa më e mirë në dispozicion të tij. Çështja e vetme për këtë transferime është tek kërkesat financiare të Unitedit. Raporti i këtij mediumi thotë se presidenti i Realit, Florentino Perez, është i shqetësuar se United do të kërkojë një çmim që është përtej aftësive të Realit. Ndryshe, De Gea ishte afër transferimit të Real Madridi në vitin 2015, por kjo lëvizje dështoi shkaku i një faksi të vonuar. /Telegrafi/ The post De Gea shtyn drejt transferimit te Real Madridi appeared first on Telegrafi. |
Pesë lojtarët e Chelseat që nga vera do të kërkojnë një vend në skuadër pas shkëlqimit në huazim Posted: 23 Apr 2018 11:13 AM PDT Është fundi i sezonit dhe është koha që klubet të fillojnë planifikimin për sezonin e ardhshëm. Chelsea ka shumë lojtarë në huazim, dhe duhet t'i marr në konsideratë disa prej tyre për ekipin e parë të sezonit të ardhshëm. Ka disa lojtarë që janë të gatshëm të luftojnë për ekipin e parë dhe kërkojnë një rast. Këtu janë 5 lojtarët më të mirë të Chelseat që kanë shkëlqyer në huazim këtë edicion dhe duan të kthehen në klub. #5 Marco van Ginkel Marco van Ginkel është ende lojtar i Chelseat. Holandezi është në huazim te PSV dhe po tregon formë të jashtëzakonshme. Ai ka shënuar 27 gola në 52 ndeshje në këto dy vite. Ai mund të jetë pjesë e mesfushës me N’Golo Kanten. #4 Kurt Zouma Duhet një zëvendësim për Gary Cahill? Kurt Zouma i ka cilësitë që të rikthehet në klub. Mbrojtësi ka edhe pesë vite kontratë dhe së bashku me Christensen dhe Rudiger janë e ardhmja e Chelseat. #3 Kenedy Talenti Kenedy kishte bërë një incident sa ishin në Kinë, duke i fyer kinezët. Ai u huazua këtë edicion në Newcaslte. #2 Ruben Loftus-Cheek Lojtari po kalon formë të mirë te Crystal Palace. 22 vjeçari shihet si pasardhës i Cesc Fabregas që po i mbush 30 vjet. #1 Charly Musonda Charly Musonda është në huazim te Celtic. Ai është në huazim te Brendan Rodgers, i cili i ka dhënë hapësira. /Telegrafi/ The post Pesë lojtarët e Chelseat që nga vera do të kërkojnë një vend në skuadër pas shkëlqimit në huazim appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: