“Henderson: Nuk u desh të pranonim golat në fund, nuk do të jetë lehtë në Romë” plus 9 more Telegrafi Futboll
“Henderson: Nuk u desh të pranonim golat në fund, nuk do të jetë lehtë në Romë” plus 9 more Telegrafi Futboll |
- Henderson: Nuk u desh të pranonim golat në fund, nuk do të jetë lehtë në Romë
- Katër futbollistët shqiptarë kanë nevojë për ndihmën tuaj, mund t’i votoni për më të mirët te Luzerni
- Klopp: Ishte paraqitje mbresëlënëse për 80 minuta, 5-2 është një rezultat fantastik
- Di Francesco: Nuk ndodhën ato që i kemi përgatitur, do të provojmë përmbysjen
- Fazio: Ne jemi luftëtarë, ne do të provojmë për ta përmbysur rezultatin
- Notat e lojtarëve: Liverpool 5-2 Roma, Salah dhe Firmino me vlerësim maksimal
- Spektakël me shtatë gola në Anfield, Liverpooli udhëton në Romë me avantazh të madh
- Firmino shënon dy herë, Liverpoli po e shkatërron Romën
- Vjen goli i tretë për Liverpoolin, Mane shënon
- Salah nuk ndalet, Liverpooli shënon dhe golin e dytë
Henderson: Nuk u desh të pranonim golat në fund, nuk do të jetë lehtë në Romë Posted: 24 Apr 2018 03:08 PM PDT Kapiteni i Liverpoolit, Jordan Henderson ka thënë se skuadra e tij nuk duhej t'i pranonte dy golat në fund. Liverpooli ishte në epërsi 5-0 ndaj Romës por në 10 minutat e fundit u shpërqendruan dhe pësuan dy gola. "E kishim ndeshjen në kontroll të plotë, por në fund i dhuruam dy gola, nuk duhet ta bënim këtë sidomos në Ligën e Kampionëve", u shpreh Henderson. "Gjithsesi ne kemi luajtur shumë mirë dhe do të shkojmë në ndeshjen e ardhshme me një avantazh prej tre golave". Reprezentuesi anglez thotë se e dinin se nuk ishte e lehtë sonte por nuk do të jetë fare lehtë as në Romë. "Ne e dinim se nuk do të ishte ndeshje e lehtë sonte, por e dimë se do të jetë vështirë edhe në Romë". "Do të jetë një sfidë, por ne do ta presim atë pozitivisht me një shpresë se do ta përfundojmë mirë", tha Henderson. Ndeshja e ardhshme mes Romës dhe Liverpoolit do të zhvillohet me 2 maj në Olimpico. /Telegrafi/ The post Henderson: Nuk u desh të pranonim golat në fund, nuk do të jetë lehtë në Romë appeared first on Telegrafi. |
Posted: 24 Apr 2018 02:53 PM PDT Kampionati zviceran është drejt përfundimit ndërsa futbollistët shqiptarë vazhdojnë shkëlqimin edhe këtë vit. Luzerni është skuadra me më së shumti futbollistë shqiptarë në radhët e veta. Katër lojtarë nga Kosova janë pjesë e Luzernit që këtë edicion po shkëlqen dhe zë pozitën e tretë në tabelë. Portali i famshëm zviceran 20min.ch ka hapur sondazhin për futbollistët më të mirë të vitit në Luzern. Në këtë sondazh natyrisht që marrin pjesë edhe futbollistët nga Kosova, Hekuran Kryeziu, Shkëlqeim Demhasaj, Idriz Voca dhe Dren Feka. Tifozët mund të votojnë tre futbollistë duke klikuar mbi fotot e tyre dhe pastaj të klikojnë mbi fjalën 'Abstimmen', për t'i dërguar votat tek futbollistët shqiptarë. Aktualisht Kryeziu zë pozitën e tretë me 363 vota 65 më pak se Omlin që zë vendin e parë. Demhasaj ka 55 vota, Voca 47 dhe Dren Feka vetëm 15 vota. Për t'i votuar futbollistët shqiptarë duhet të klikoni KËTU. /Telegrafi/
The post Katër futbollistët shqiptarë kanë nevojë për ndihmën tuaj, mund t'i votoni për më të mirët te Luzerni appeared first on Telegrafi. |
Klopp: Ishte paraqitje mbresëlënëse për 80 minuta, 5-2 është një rezultat fantastik Posted: 24 Apr 2018 02:36 PM PDT Liverpool ka marrë një fitore fantastike në ndeshjen e parë gjysmëfinale në Ligën e Kampionëve. Skuadra e Jurgen Klopp shkëlqeu për 80 minuta, por në 10 minutat e fundit vuajti nga Roma e zgjuar vonë nga gjumi. Trajneri gjerman i The Reds, ka thënë se skuadra e tij pati paraqitje mbresëlënëse për 80 minuta. "Ishte paraqitje mbresëlënëse për 80 minuta ose më shumë, por në fund bëmë disa gabime që nuk më pëlqyen", tha Klopp. Ish-trajneri i Dortmundit dhe Mainzit deklaroi se do të ishin më të lumtur me rezultatin 5-0 ose 5-1. "Natyrisht se do të ishim më të lumtur nëse do të përfundonte 5-0 ose 5-1, por edhe 5-2 është një rezultat fantastik". "Ishte ndeshje më e mirë se sa mendoja", përfundoi Klopp. Përballja e sontme ndaj Romës ishte e para për Klopp që është afër ta sigurojë finalen e dytë në Ligën e Kampionëve pasi të njëjtën gjë më parë e kishte bërë me Borussia Dortmundin. /Telegrafi/ The post Klopp: Ishte paraqitje mbresëlënëse për 80 minuta, 5-2 është një rezultat fantastik appeared first on Telegrafi. |
Di Francesco: Nuk ndodhën ato që i kemi përgatitur, do të provojmë përmbysjen Posted: 24 Apr 2018 02:23 PM PDT Eusebio Di Francesco ka thënë se lojtarët e Liverpoolit kuptoheshin më mirë në fushë se futbollistët e tij. Roma e tij u mposhtë me rezultat 5-2 nga Liverpooli dhe tekniku italian ka deklaruar se lojtarët e tij humbën kokën në fushë. "Filluam mirë ndeshjen, pastaj humbëm disa duele dhe humbëm kokën në fushë. Kemi përgatitur disa gjëra por që në fushë nuk ndodhën". "Duelet e humbura janë pjesë e futbollit, duhej të kishim forcë për t'i fituar ato". "Lojtarët e Liverpoolit kuptoheshin shumë mirë mes vete dhe kjo e bëri ndeshjen më të lehtë për ta", deklaroi Di Francesco. Por tekniku italian beson se skuadra e tij ka mundësi për ta rikthyer rezultatin në ndeshjen kthyese. "Në futboll asgjë nuk është e pamundur, do të jetë një ndeshje ndryshe nga ajo me Barcelonën, por shpirti i skuadrës për përmbysje do të jetë aty", përfundoi Di Francesco. Roma dhe Liverpool do ta luajnë ndeshjen kthyese në Olimpico të mërkurën e ardhshme. /Telegrafi/ The post Di Francesco: Nuk ndodhën ato që i kemi përgatitur, do të provojmë përmbysjen appeared first on Telegrafi. |
Fazio: Ne jemi luftëtarë, ne do të provojmë për ta përmbysur rezultatin Posted: 24 Apr 2018 02:00 PM PDT Roma ka pësuar humbje 5-2 në Anfield nga Liverpool në kuadër të ndeshjes së parë gjysmëfinale në Ligën e Kampionëve. Giallorosët ishin duke humbur 5-0 por në 10 minutat e fundit të ndeshjes shënuan dy gola për t'i mbajtur gjallë shpresat për ndeshjen e rikthimit. Qendërmbrojtësi i Romës, Federico Fazio ka thënë se skuadra e tij do të provojë përmbysjen. "Patëm shumë raste por që nuk i shfrytëzuam. Kishim edhe gabime por duhet të vazhdojmë tutje". "Ne mendojmë gjithmonë pozitivisht. Ne jemi luftëtarë, ne do të luftojmë deri në sekondën e fundit dhe tifozët tanë do të na japin mbështetje të madhe", u shpreh Fazio. "Jemi angazhuar gjatë gjithë ndeshjes dhe do të vazhdojmë të luftojmë deri në fund", përfundoi Fazio. Ndeshja e ardhshme mes Romës dhe Liverpoolit do të zhvillohet me 2 maj në Olimpico. /Telegrafi/ The post Fazio: Ne jemi luftëtarë, ne do të provojmë për ta përmbysur rezultatin appeared first on Telegrafi. |
Notat e lojtarëve: Liverpool 5-2 Roma, Salah dhe Firmino me vlerësim maksimal Posted: 24 Apr 2018 01:42 PM PDT Liverpooli ka bërë një ndeshje fantastike përballë Romës në ndeshjen e parë gjysmëfinale të Ligës së Kampionëve. Paraqitja e skuadrës vendase ishte shumë më e mirë (7.09) në raport me mysafirët (6.63), prandaj vlerësimi i nikoqirëve ishte me notë mesatare më të lartë. Më të mirët në fushë ishin dy lojtarët ofensivë të Liverpoolit, Mohamed Salah (10) dhe Roberto Firmino (10), të cilët morën notat maksimale. Lojtarët që u vlerësuan te skuadra mysafire ishin Edin Dzeko (7.9) dhe Radja Nainggolan (7.5). Vlerësimi i plotë i lojtarëve të të dyja skuadrave:
/Telegrafi/ The post Notat e lojtarëve: Liverpool 5-2 Roma, Salah dhe Firmino me vlerësim maksimal appeared first on Telegrafi. |
Spektakël me shtatë gola në Anfield, Liverpooli udhëton në Romë me avantazh të madh Posted: 24 Apr 2018 01:36 PM PDT Liverpooli e ka shkatërruar Romën duke e mposhtur me rezultat të thellë 5-1. Të besuarit e Jurgen Klopp nuk e nisëm mirë takimin, pasi Roma e vuri në vështirësi me formacionin 3-4-3 dhe lojën e bazuar në krahë. Roma kishte rast të mirë me Kolarov pas një gjuajtje të fortë nga distanca ku u godit edhe shtylla. Liverpooli vjen me dy raste të mira më Sadio Mane, por që nuk arrin të shënon. Minuta e 36-të e sjell në skenë Mohamed Salahin. Sulmuesi egjiptian pranon një top në zonë dhe me një gjuajtje të bukur shënon për 1-0. Roma hapet në këta minuta, por që lë hapësira prapa. Firmino merr një top në mes të fushës dhe asiston për Salah, i cili i vetëm me Alisson shënon për 2-0. Pjesa e parë mbyllet me këtë rezultat. Pjesa e dytë kishte rezervuar pesë gola. Liverpooli shënoi golin e tretë me Sane, pas një pasimi të Salah. Salah ishte asistues edhe te goli i katërt kur pasoi për Firminon që në portën e zbrazët shënoi për 4-0. Firmino shënoi për 5-0 pas disa minutash. Roma u ngjall në 10-të mintuat e fundit. Fillimisht shënoi Dzeko pas një pranimi të topit në zonë për 5-1. Romakët fituan edhe një penallti që u shndërrua në gol nga Perotti. Roma ka pak gjasa që ta kthej këtë rezultat, por duke parë ndeshjen me Barcelonën, gjithçka mbetet e hapur. /Telegrafi/
The post Spektakël me shtatë gola në Anfield, Liverpooli udhëton në Romë me avantazh të madh appeared first on Telegrafi. |
Firmino shënon dy herë, Liverpoli po e shkatërron Romën Posted: 24 Apr 2018 01:13 PM PDT Liverpooli nuk po tregon aspak mëshirë për Romën duke e shënuar edhe golin e katërt në këtë ndeshje. Salah mori një top afër zonës, kaloi Juan Jesusin dhe pasoi në zonë për Fiminon që nuk e kishte të vështirë të shënojë nga afërsia. Salah pas dy golave dhuron edhe dy asistime. Më parë kishte shënuan edhe Mane. Rezultati 4-0 është epërsi e madhe për Liverpoolin./Telegrafi/
The post Firmino shënon dy herë, Liverpoli po e shkatërron Romën appeared first on Telegrafi. |
Vjen goli i tretë për Liverpoolin, Mane shënon Posted: 24 Apr 2018 01:05 PM PDT Liverpooli po zhvillon një ndeshje të jashtëzakonshme kundër Romës, duke e shënuar edhe golin e tretë. Pas dy golave të Mohamd Salah ishte Sadio Mane ai që gjeti rrjetin. Egjiptiani pasoi bukur për Mane që nga afërsia shënoi për 3-0. Liverpooli po zhvillon lojë të bukur dhe po kërkon që me çdo kusht të shënojë edhe gola të tjerë. Anglezët o krijojnë raste para portës. /Telegrafi/ The post Vjen goli i tretë për Liverpoolin, Mane shënon appeared first on Telegrafi. |
Salah nuk ndalet, Liverpooli shënon dhe golin e dytë Posted: 24 Apr 2018 12:40 PM PDT Mohamed Salah është duke shkëlqyer kundër Romës në Ligën e Kampionëve. Ai ka arritur ta shënojë edhe golin e dytë në këtë përballje. Ai fillimisht shënoi në minutën e 35 pasi mori një top në zonë dhe me një gjuajtje perfekt shënoi në këndin e pambrojtur të Alisson. Goli i dytë erdhi pas një kundërzbritje të shpejtë. Ishte Firmino ai që pasoi për Salah, i cili me gjakftohtësi shënoi për 2-0. Liverpooli krijoi shumë raste në fundin e pjesës së parë ./Telegrafi/
The post Salah nuk ndalet, Liverpooli shënon dhe golin e dytë appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: