“Dhjetë lojtarët që e arritën shpejtësinë më të madhe në Ligën Premier këtë sezon” plus 9 more Telegrafi Futboll
“Dhjetë lojtarët që e arritën shpejtësinë më të madhe në Ligën Premier këtë sezon” plus 9 more Telegrafi Futboll |
- Dhjetë lojtarët që e arritën shpejtësinë më të madhe në Ligën Premier këtë sezon
- Pesë vitet e Casemiros
- Rummenigge: Reali është favoritë, shpresoj që së paku do të fitojmë para shikuesve tanë
- Materazzi: Mancini për trajner të Italisë
- City do të ofrojë 74 milionë euro për Mahrezin
- Ancelotti flet për drejtimin e Arsenalit dhe mundësinë e Romës ndaj Liverpoolit
- Montella për Messin: Mendoj se është jashtëtokësor, edhe pse nesër do të jetë në tokë
- Tirana pas Shkëmbit, trajneri mohon gjithçka
- Wenger largohet në verë, këta janë gjashtë emrat që bastoret i shohin favoritë për ta zëvendësuar francezin
- Presidenti i Ligue 1, Quillot: Nuk ka klauzolë që ia ndalon largimin Neymarit
Dhjetë lojtarët që e arritën shpejtësinë më të madhe në Ligën Premier këtë sezon Posted: 20 Apr 2018 03:09 PM PDT Liga Premier mbetet një nga kampionatet me interesimin më të madh në botë. Shumë lojtarë që luajnë në Ligën Premier janë më të mirët në rolet e tyre. Por kush është 'Usain Bolti' i Ligës Premier? Statistikat Opta kanë nxjerr lojtarët që e kanë arritur shpejtësinë më të madhe këtë edicion. Cudi e madhe duket që në top 10 e as në top 20 më të shpejtit nuk është futur Mohamed Salah. Më poshtë e gjeni listën e dhjetë lojtarët më të shpejtë në Ligën Premier. /Telegrafi/ 10.Laurent Koscielny (Arsenal) Shpejtësia më e madhe: 35.11km/h 9.Kiko Femenia (Watford) Shpejtësia më e madhe: 35.12km/h 8.Oliver Burke (West Brom) Shpejtësia më e madhe: 35.13km/h 7.Wilfried Zaha (Crystal Palace) Shpejtësia më e madhe: 35.14km/h 6.Antonio Rudiger (Chelsea) Shpejtësia më e madhe: 35.19km/h 5.Kyle Walker (Manchester City) Shpejtësia më e madhe: 35.21km/h 4.Theo Walcott (Everton) Shpejtësia më e madhe: 35.23km/h 3.Moussa Sissoko (Tottenham) Shpejtësia më e madhe: 35.33km/h 2.Patrick Van Aanholt (Crystal Palace) Shpejtësia më e madhe: 35.42km/h 1.Leroy Sane (Manchester City) Shpejtësia më e madhe: 35.48km/h The post Dhjetë lojtarët që e arritën shpejtësinë më të madhe në Ligën Premier këtë sezon appeared first on Telegrafi. |
Posted: 20 Apr 2018 02:49 PM PDT Nuk ishte një rrugë e lehtë për Casemiron për tu kthyer në një lojtar kyç për Real Madridin, por janë bërë pesë vjet kur ai ka debutuar me ekipin e parë. Më 20 prill 2013, ai u zgjodh nga Jose Mourinho për t’u përballur me Real Betis. Trajneri portugez ishte i impresionuar me atë që kishte parë nga Casemiro që në atë kohë luante me ekipin e të rinjve. Që nga ajo kohë Casemiro ka fituar tre Liga të Kampionëve, një La Liga, dy Superkupa Evropiane, dy Kupa të Botës për klube, një Superkupë të Spanjës dhe ka zhvilluar 143 ndeshje. Megjithatë, nën drejtimin e Carlo Ancelottit në sezonin 2013/14, edhe pse luajti duke e fituar edhe Ligën e Kampionëve, një vit më pas u huazua te Porto. Ai u bë një lojtar i rëndësishëm pasi Beniteze riktheu, por me ardhjen e Zidanes në krye ai u kthye në shtyllë të ekipit në mesfushë. Sot Casemiro është njëri prej lojtarëve më të mirë në Evropë në pozitën e tij. /Telegrafi/ The post Pesë vitet e Casemiros appeared first on Telegrafi. |
Rummenigge: Reali është favoritë, shpresoj që së paku do të fitojmë para shikuesve tanë Posted: 20 Apr 2018 02:23 PM PDT Real Madrid dhe Bayern Munich do të takohen gjatë javës së ardhshme në kuadër të Ligës së Kampionëve. Menaxheri i përgjithshëm i Bayernit iu dërgoi një mesazh ekipit të tij duke thënë se së paku duhet të fitojmë para shikuesve në Allianz Arena. Karl-Heinz Rummenigge ka folur sërish për gjysmëfinalet e Ligës së Kampioneve kundër Real Madridit. “Nuk ka eufori në këtë ballafaqim. Ne e dimë se po luajmë kundër ekipit më të mirë në botë. Ata fituan dy herë rresht Ligën e Kampionëve”, tha gjermani. Ish-lojtari i Bayernit tha se “Madridi është favorit në të dyja ndeshjet, por ne duam të arrijmë në finale. Do të jetë e vështirë, ata janë favoritë, por gjëja më e rëndësishme është që ne të fitojmë këtë herë Munich, dy herë na kanë mposhtur së fundi, me Guardiolan dhe Ancelottin”. Më në fund, Rummenigge u mburr me Bayernin “Ne mund të arrijmë në gjysmëfinalet e Ligës së Kampionëve pa paratë e miliarderëve arab apo rus, kemi një filozofi të ndryshme nga Manchester City dhe PSG-ja, që mund të jetë shembull për klubet e tjera”. Theksojmë se takimi mes këtyre dyja skuadrave do të zhvillohet të mërkurën (25 prill) në stadiumin madrilen të Santiago Bernabeus. /Telegrafi/ The post Rummenigge: Reali është favoritë, shpresoj që së paku do të fitojmë para shikuesve tanë appeared first on Telegrafi. |
Materazzi: Mancini për trajner të Italisë Posted: 20 Apr 2018 01:53 PM PDT Marco Materazzi thotë se Roberto Mancini duhet të jetë trajner i Kombëtares Italiane. Azzurrët janë duke kërkuar trajner pas largimit të Giampiero Ventura, që nuk arriti ta dërgojë Italinë në Kampionatin Botëror. "Një Kupë e Botës pa Italinë? Duhet të pajtohemi me këtë". "Duhet të fillojmë nga e para me një trajner të ri". "Mancini? Ai është vetë ofruar, tani duhet të dëshmojë se vlen, pasi ka bërë karrierë “, ka thënë Materazzi. Mancini aktualisht është trajner i Zenitit. Ai ka drejtuar më parë klube si Sampdoria, Inter dhe Manchester City. /Telegrafi/ The post Materazzi: Mancini për trajner të Italisë appeared first on Telegrafi. |
City do të ofrojë 74 milionë euro për Mahrezin Posted: 20 Apr 2018 01:18 PM PDT Pep Guardiola e dëshiron që me çdo kusht gjatë verës Riyad Mahrezin. Trajneri spanjolli i Manchester Cityt po planifikon të bëjë një ofertë prej 74 milionë eurosh. Strategu bëri dy oferta të pasuksesshme për yllin e Leicester Cityt gjatë afatit kalimtar të janarit. Krerët e King Powerit nuk dëshironin të lirojnë algjerian pa i parë në xhirollogarinë e tyre hiq më pak se 90 milionë euro. Futbollistit i ka mbetur dy vjet deri në përfundim të kontratës me “Dhelprat” e Leicesterit. Ai deri më tani këtë sezon ka luajtur 37 paraqitje ish-kampionët dhe ka shënuar 11 gola. Mahrez kujtojmë se u shpall lojtar i vitit në vitin 2016 pasi fitoi titullin e Ligës Premier me Leicesterin. /Telegrafi/ The post City do të ofrojë 74 milionë euro për Mahrezin appeared first on Telegrafi. |
Ancelotti flet për drejtimin e Arsenalit dhe mundësinë e Romës ndaj Liverpoolit Posted: 20 Apr 2018 12:30 PM PDT Carlo Ancelotti ka folur edhe për një punë të mundshme me Arsenalin, duke thënë se varet nga oferta. “Ai [Wenger] vendosi të largohej dhe ishte një gjest i madh soliditeti”. “Ai bëri historinë, dhe ai do të kujtohet për këtë. Klubi e di të ardhmen. Në qoftë se unë jam në planet e tyre, jam i kënaqur në pikëpamje profesionale, por për momentin nuk ka asgjë". “Arsenal? E ardhmja ime varet nga shanset dhe projektet jo vetëm nga unë". Ancelotti foli po ashtu edhe për ndeshjen gjysmëfinale të Ligës së Kampionëve, mes Roma dhe Liverpool. “Unë nuk kam luajtur në finalen e Kupës së Evropës për shkak të lëndimit dhe Roma humbi. Ishte një moment i trishtuar për të gjithë, Bruno Conti më tha më herë se Roma do të kishte një shans për hakmarrje dhe ja erdhi". “Do të jetë e vështirë, pasi Reds janë në formë të mirë, por lojtarët e Francescos mund të arrijë në finale”, ka thënë Ancelotti. /Telegrafi/ The post Ancelotti flet për drejtimin e Arsenalit dhe mundësinë e Romës ndaj Liverpoolit appeared first on Telegrafi. |
Montella për Messin: Mendoj se është jashtëtokësor, edhe pse nesër do të jetë në tokë Posted: 20 Apr 2018 12:00 PM PDT Barcelona dhe Sevilla do të takohen gjatë ditës së nesërme në finalen e Copa del Rey. Takimi mes këtyre dyja skuadrave do të zhvillohet në stadiumin e ekipit të Atletico Madridit. Para takimit ka folur trajneri i andaluzianëve, Vincenzo Montella, i cili ka disa fjalë për futbollistin argjentinas, Lionel Messin. “Unë mendoj se është një jashtëtokësor, edhe pse nesër do të jetë në tokë. Kur ai ka topin, është e vështirë të ndalet. Gjëja më e rëndësishme është që mos të merr topa”. “Ne kemi parë se është e mundur të fitojmë kundër Barçës. Duhet të përqendroheni gjatë gjithë kohës. Ju nuk mund ta humbni vëmendjen në asnjë moment”, tha italiani. Gjithashtu edhe trajneri katalunasve, Ernesto Valverde ka pohuar se nesër i pret një sfidë e vështirë. Ndryshe, takimi mes këtyre dyja klubeve pritet të fillojë rreth orës 21:30 në stadiumin Wanda Metropolitano. /Telegrafi/ The post Montella për Messin: Mendoj se është jashtëtokësor, edhe pse nesër do të jetë në tokë appeared first on Telegrafi. |
Tirana pas Shkëmbit, trajneri mohon gjithçka Posted: 20 Apr 2018 11:39 AM PDT Tirana është rikthyer në Kategorinë Superiore dhe këtë sukses e arriti nën drejtimin e trajnerit Ze Maria. Mirëpo, skuadra kryeqytetase dhe braziliani i kanë ndarë rrugët, gjë që ka ngjallur spekulimet për emrat që do ta pasojnë Ze Marian. Në mesin e tyre është edhe Bledi Shkëmbi, aktualisht trajner i Lirisë së Prizrenit. Mirëpo, vetë Shkëmbi ka thënë se nuk ka asgjë konkrete rreth kësaj mundësie. "Nuk ka asgjë të vërtetë, madje nuk e di as nga kanë dalë këto fjalë". "Unë i kam hyrë kësaj pune dhe nuk e di çfarë sjell e ardhmja. Do t'i shqyrtoj ofertat nga secila skuadër, e të mos flasim për Tiranën që është klub i madh", ka thënë Shkëmbi për Insporti.com. Sidoqoftë, ai është i përqendruar te puna me skuadrën aktuale. "Nuk kam biseduar ende me zyrtarët e Lirisë dhe me asnjë skuadër tjetër, sepse është ende shumë herët. "Jam i përqendruar në punën te Liria, ndërsa për të ardhmen shohim pas përfundimit të kampionatit. Në fundjavë na pret një ndeshje shumë e vështirë me Feronikelin, që është një skuadër shumë cilësore". "Megjithatë, ne kemi dëshmuar se mund të fitojmë edhe ndaj rivalëve më të fortë, prandaj do të hyjmë me synimin për t'i arkëtuar tri pikë të reja", ka theksuar Shkëmbi. The post Tirana pas Shkëmbit, trajneri mohon gjithçka appeared first on Telegrafi. |
Posted: 20 Apr 2018 11:00 AM PDT Patrick Vieira, Thomas Tuchel dhe Brendan Rodgers, shihen si tre kandidatët kryesorë për ta zënë vendin e Arsene Wenger në krye të Arsenalit, nga bastoret angleze. Arsene Wenger e ka paralajmëruar largimin e tij në fund të sezonit, pas 22 vitesh qëndrim. Ai është në klub që nga shtator i vitit 1996, kur Liga Premier i kishte mbushur vetëm katër sezone me këtë emër. Si zëvendësues në krye të listës është tani trajneri i New York City FC dhe dikur kapiteni i Arsenalit, Patrick Vieira. Pas tij vjen ish-trajneri i Borussia Dortmund, Thomas Tuchel. Po ashtu për një kthim të mundshëm në Ligën Premier po shikon edhe Brendan Rodgers, i cili është ringjallur me Celticun. Kupa e Botës mund të jetë e fundit pë Joachim Low në drejtimin e Gjermanisë. Carlo Ancelotti, tri herë fituesi i Ligës së Kampionëve, ka kohë që po kërkon një rikthim në Ligën Premier dhe stoli i Arsenalit mund të jetë i duhuri. Nuk përjashtohen as Massimiliano Allegri dhe Antonio Conte, por me kuota më të vogla. /Telegrafi/
The post Wenger largohet në verë, këta janë gjashtë emrat që bastoret i shohin favoritë për ta zëvendësuar francezin appeared first on Telegrafi. |
Presidenti i Ligue 1, Quillot: Nuk ka klauzolë që ia ndalon largimin Neymarit Posted: 20 Apr 2018 10:54 AM PDT Neymar raportohet se gjatë verës së këtij viti do të largohet prej skuadrës franceze të Paris Saint-Germain. Mediat franceze sot kanë raportuar se klauzola e largimit të brazilianit do të bie ndjeshëm pas datës 3 Gusht, pasi që në atë periudhë bëhet një vit që nga transferimi prej 222 milionë eurove nga Barcelona. Për lojtarin është shkruar se do të duhen sipas klauzolës rreth 300 milionë euro, të cilat janë shumë klube të gatshme t’i ofrojnë parisienëve. Por, presidenti i Ligue 1, Didier Quillot e bën të qartë se e vetmja mënyrë që Neymar të largohet nga PSG-ja “është një marrëveshje ndërmjet klubeve” dhe se Federata e Futbollit të Francës nuk njeh ndonjë marrëveshje që i kufizon largimin ndonjë futbollistit. Ai bazohet në nenin 202 të rregullores, i cili përcakton se “klubet nuk mund të futin asnjë lloj klauzole lirimi që përfundon marrëdhënien kontraktuale nga secila palë ose një klauzolë të njëanshme tëp përfundimit të kontratës”. Braziliani në mënyrë të përsëritur thuhet t'i ketë thënë miqve se me çfarëdo kosto do të dëshironte të kalonte te madrilenët. Ndryshe, gjatë verës së vitit të kaluar u transferua te parisienët për shumën prej 222 milionë eurove gjatë tre gushtit të 2017. Lojtari deri më tani ka realizuar 19 gola në njëzet paraqitje në të gjitha garat për PSG-në. /Telegrafi/ The post Presidenti i Ligue 1, Quillot: Nuk ka klauzolë që ia ndalon largimin Neymarit appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: