Tirana Observer: “Rama publikon raportin për Fierin, çfarë i shqetëson më shumë banorët (Tabela)” plus 9 more
Tirana Observer: “Rama publikon raportin për Fierin, çfarë i shqetëson më shumë banorët (Tabela)” plus 9 more |
- Rama publikon raportin për Fierin, çfarë i shqetëson më shumë banorët (Tabela)
- Si të kombinoni trendin më të nxehtë të verës, bluzat e shkurtra“crop top”
- Byzylykët e këmbëve, tendencat më In të momentit që duhet t’i keni me vete në plazh
- Të ndarë apo jo? Reagon si asnjëherë më parë Çiljeta
- Përlotet Valbona Selimllari (Video)
- Njihuni me vajzat e pasanikëve shqiptarë, jeta luksoze që pasqyrojnë në rrjetet sociale
- Foto/Ja në cilin plazh të jugut po i kalojnë pushimet zyrtarët e PD-së dhe LSI-së
- VIDEO: Njihuni me “Puzzlewood”, pyllin e mistershëm që josh kineastët
- Orinda Huta bëhet nostalgjike, poston foto kur ishte 16 vjeç
- Pse nuk mori pjesë Suada Sherifi në Miss Universe…
Rama publikon raportin për Fierin, çfarë i shqetëson më shumë banorët (Tabela) Posted: 13 Aug 2017 10:17 AM PDT Kryeministri i vendit Edi Rama ka publikuar sot raportin nga dëgjesat dhe komunikimi me banorët për qarkun e Fierit. Në vijim të raporteve të publikuara edhe në ditët e kaluara, qytetarët kanë bërë të ditura problemet e tyre në dëgjesat që kanë pasur me deputetët e rinj të zonave të tyre. Kështu problemi më i madh i qytetarëve të këtij qarku ka të bëjë me procesin e legalizimit dhe ndotjen. Statusi i Ramës RAPORTI JUAJ Pasqyra zgjedhore dhe raporti i dëgjesave për Qarkun Fier. Miqtë e këtij rrjeti nga qarku i Fierit, janë të lutur të bëjnë sugjerime apo ankesa që sipas tyre mund të mungojnë në këtë raport✌ Faleminderit
|
Si të kombinoni trendin më të nxehtë të verës, bluzat e shkurtra“crop top” Posted: 13 Aug 2017 09:43 AM PDT Nëse mendonit që bluzat me bark përjashtë kanë dalë nga moda, jeni gabim, ky trend ndoshta i ardhur në mënyrë më të rafinuar është shndërruar në tendencën më hot të verës. |
Byzylykët e këmbëve, tendencat më In të momentit që duhet t’i keni me vete në plazh Posted: 13 Aug 2017 09:39 AM PDT Pas një dimri të gjatë e të bezdisshëm, më në fund trupi juaj po i gëzohet diellit, detit dhe rërës. E sigurisht të parat që po e shijojnë më së shumti këtë lloj ''pavarësie'' janë këmbët, të cilat shpëtuan për pak kohë nga këpucët e rënda e të mbyllura dhe mund të shijojnë shëtitjet e paradites dhe buzëmbrëmjes në plazh. Duke u ndalur tek ky i fundit duhet thënë që sa herë përgatiteni për pushime gjëja e vetme që merrni e që lidhet me këmbët janë shapkat e sandalet me gisht. Por, blogeret më në zë të momentit do ju japin shkëlqimin e munguar këmbëve e gishtave të tyre me aksesorët më In, byzylykët shumëngjyrësh e me gura. Nqs nuk i keni akoma, shikoni fotogalerinë e mëposhtme dhe blijini sa më parë. |
Të ndarë apo jo? Reagon si asnjëherë më parë Çiljeta Posted: 13 Aug 2017 09:23 AM PDT Ditëve të fundit lajmi kryesor i mediave rozë ishte ndarja e portierit Alban Hoxha me këngëtaren Çiljeta Çilaga. Mungesa e fotove në profilet përkatëse në Insatagram kanë mjaftuar që të përflitet për një ndarje të mundshme të çiftit. Por duket se kjo gjë e ka mërzitur shumë këngëtaren, e cila ka reaguar si asnjëherë më parë. Ajo është shprehur se do të ndjek penalisht të gjithë mediat që kanë shkruar lajme të pavërteta për të, marrëdhënien e saj, por edhe për djalin e vogël, bukuroshin Fernando. "Nuk kam ndërmend të mbush portalet duke dhënë deklarata përsa i përket historisë sonë të dashurisë. Por duke marrë shkas nga çfarë është shkruar sot dhe gjithë këtë vit në lidhje me mua, pa më kontaktuar asnjëherë personalisht, kam vendosur t'i ndjek në rrugë ligjore të gjithë ata që kanë shpikur, që të zënë mend një herë e mirë. Për shumë e shumë lajme të rreme që kanë bërë për jetën time, duke përfshirë këtu edhe djalin tim, me lajme të pavërteta dhe abuzime", u shpreh për Revistën "Who" këngëtarja. Përveç lajmit që do ndjek disa media penalisht, mes rreshtave arritëm që të shquanim se edhe ndarja e tyre është një lajm i pavërtetë. Në fakt nuk është hera e parë që përflitet ndarja e një prej çifteve më simpatikë të Show Bizit, por duket se në asnjë moment prej tyre nuk ka qenë i vërtetë. |
Përlotet Valbona Selimllari (Video) Posted: 13 Aug 2017 09:06 AM PDT Missi i parë shqiptar, e cilësuar nga të gjithë si bukuria e pakohë , është rrëfyer këtë javë në programin e fundit të "Lart e Poshtë" për këtë sezon. Selimllari ka rrëfyer ditën e saj, plot angazhime, ku një vend të rëndësishëm zë prej disa muajsh edhe puna si Këshilltare e Çështjeve Sociale pranë Kryetarit të Bashkisë së Tiranës. Valbona nuk i ka mbajtur dot lotët teksa ka treguar gjatë bisedës me Eraldo Rexhon, raste të fëmijëve të rrugës, të pashpresë. Një ndër to, ishte ai i një fëmije të vogël, i cili nuk do të mund ta shihte më dritën e diellit. Për më shumë, gjeni linkun bashkëngjitur. |
Njihuni me vajzat e pasanikëve shqiptarë, jeta luksoze që pasqyrojnë në rrjetet sociale Posted: 13 Aug 2017 08:45 AM PDT Të bukura, të lira, vijnë nga familje të pasura. Këto janë vajzat më të ndjekura shqiptare në Instagram, të cilat jetojnë jashtë vendit për arsye studimi apo pune, dhe që Shqipërisë i rikthehen për pushime ekstravagante në Jug. Ato bien më shumë në sy këtë verë me pushimet e tyre superluksoze, veshjet dhe aksesorët e shtrenjtë dhe linjat superelegante. Janë më shumë se katër, por kemi përzgjedhur për këtë shkrim katër prej tyre, duke qenë se janë më aktivet në rrjetet sociale në këtë stinë të nxehtë. E para quhet Erisa Kaçupi, e dashura gjithë stil e regjisorit Iv Tase, nipit të showman-it të njohur, Ardit Gjebrea. Ajo ndjek studimet në Angli, ndërkohë që është bashkuar me partnerin e saj për të shijuar në maksimum pushimet në plazhet e Jugut. Për të vazhduar me Megi Ndokajn, modelen dhe ish-balerinën e programit "E diela shqiptare". Prej kohësh ajo është zhvendosur në New York, për të bashkëpunuar me një kompani kërcimi, një e ardhme e mundësuar nga prindërit e saj. Megi është vajza e vetme dhe e llastuar e Roberta Mones, koreografes dhe pedagoges së njohur të Universitetit të Arteve në Tiranë dhe ish-deputetit të njohur, Jak Ndokaj. Një tjetër vajzë e bukur që bën përshtypje me jetën e luksit dhe fotot që poston në Instagram është "Miss Shqipëria 2012", Kleoniki Delijorgji, vajza e biznesmenit Mihal Delijorgji. Niki tashmë i është përkushtuar modës, dhe po e zhvillon karrierën e saj mes Italisë, Francës dhe Anglisë. Edhe Niki kthehet në Shqipëri për ndonjë pushim të shkurtër, pasi siç e ka shprehur edhe vetë në media, të ardhmen e saj e sheh vetëm jashtë Shqipërisë. Adela Lami është një tjetër vajzë, pjesë e artit, e cila ndodhet në Shqipëri vetëm për të pushuar në plazhet e Jugut, pasi ajo tashmë është vendosur në Shtetet e Bashkuara të Amerikës për karrierë ndërkombëtare si balerinë. Ajo tashmë ka një kontratë me kompaninë "Ajkun Ballet Theatre" në Nju Jork, ndërkohë që njihet si biondja që ka nisur karrierën shumë herët në Akademinë e Yjeve për të qenë më pas një nga solistes e Teatrit të Operës dhe Baletit. Fotot nga udhëtimet e saj të shpeshta anembanë botës në rrjetet sociale e kanë bërë të njohur, për faktin se ajo bie në sy për luksin dhe stilin e jetës, që do ta ëndërronte çdo artiste. Edhe Adela është një nga vajzat që ka lindur me këmishë, pasi ajo është fëmija i vetëm i një ndërtuesi të pasur, emrin e të cilin ka preferuar të mos e bëjë publik. /Panorama |
Foto/Ja në cilin plazh të jugut po i kalojnë pushimet zyrtarët e PD-së dhe LSI-së Posted: 13 Aug 2017 08:21 AM PDT Sokol Dervishaj, ministër i Transporteve nga radhët e LSI-së, është parë fundjavën e kaluar në plazhet e Dhërmiut. Edhe ai, si shumë kolegë të tij, ka zgjedhur Jugun e Shqipërisë për plazh. Siç e shikoni nga fotoja, ka diçka të veçantë te Dervishaj dhe bashkëshortja. Ata nuk hequr dorë nga pija e tyre e preferuar, vera, madje edhe me gotat e duhura, ndërkohë që në plazh njerëzit më së shumti pijnë birra. Bashkëshortja e Dervishajt, është një emër i njohur. Ajo është ish-Miss Albania, Sidorela Kola, e cila vijon të ruajë sharmin e miss-it. Edhe Luan Rama është parë fundjavën e kaluar bashkë me familjen e tij. Ndriçim Babasi Këto kohë nuk ka qenë shumë aktiv në politikë. Ndriçim Babasi, dikur deputet i Partisë Demokratike, mesa duket as plazhin nuk e ka filluar si shumë të tjerë, bashkë me fillimin e verës. Tani që jemi në muajin e fundit të verës, ai ka preferuar të kalojë fundjavën në Dhërmi bashkë me familjen. Babasi shfaqet akoma shumë i bardhë në trup, që të lë të kuptosh se dielli i Dhërmiut do ta shohë për herë të parë këtë verë. Të shohim se sa aktiv do të jetë në jetën politike tani që Partia Demokratike ka bërë ndryshime në strukturë. |
VIDEO: Njihuni me “Puzzlewood”, pyllin e mistershëm që josh kineastët Posted: 13 Aug 2017 08:15 AM PDT Puzzlewood është një destinacion i popullarizuar turistik në pyjet Dean, në Gloucestershire të Anglisë. Kjo trevë dominohet nga formacionet e veçanta të shkëmbinjve, shpellat e mistershme dhe drunj të vjetër, si dhe një mori stigjesh enigmatike, që duken sikur labirinth. Në Puzzlewood janë xhiruar filmat "Merlin" dhe "Dr. Who"…, ndërsa ka shërbyer si inspirim edhe për një pjesë të filmit "Lord of the Rings" të Tolkienit (i cili është vizitor i rregullt i këtij pylli). Përgjatë viteve, në këtë pyll janë gjetur me shumë se 3.000 monedha romake të shekullit të 3-të. Ndërkaq, që nga koha kur romakët janë larguar nga Puzzlewood, të gjitha stazat, shkallët dhe strukturat që dikur kishin shërbyer për nxjerrjen dhe transportin e mineraleve, janë mbuluar nga lisat dhe myshku. Përpos pyllit, në Puzzlewood mund të gjenden tavolina për piknik, disa kafene, dyqani i suvenirëve si dhe këndi i lodrave për fëmijë. Turistët ndërkaq, mund ta vizitojnë këtë trevë mistike duke paguar biletën që kushton 5 paund. |
Orinda Huta bëhet nostalgjike, poston foto kur ishte 16 vjeç Posted: 13 Aug 2017 08:06 AM PDT Moderatorja dhe këngëtarja e njohur Orinda Huta po shijon për momentin muajin e mjaltit në Tajlandë. Ajo dhe Turi u martuan me 27 korrik me një dasmë mjaft të madhe në periferi të Tiranës. Por gjithsesi sot nuk do flasim për dasmën pasi u fol gjërë e gjatë për të. Orinda si me pushime që është është bërë nostalgjike dhe ka hapur arkivën e fotove. Ajo ka treguar veten e saj kur ishte 16 vjeçe. Në fakt ajo nuk ka nryshuar shumë që nga koha e adoleshencës, pasi lehtësisht mund ta njohësh se është Orinda. |
Pse nuk mori pjesë Suada Sherifi në Miss Universe… Posted: 13 Aug 2017 08:02 AM PDT
Miss Albania 2005 Suada Sherifi ka treguar për herë të parë pas 12 vitesh arsyen se përse nuk mori pjesë në Miss Universe, pasi u zgjodh vajza më e bukur e Shqipërisë. Në një intervistë për Eni Shehun në ABC News Suada ka treguar se për të marrë pjesë në Miss Universe i është kërkuar që të bëjë hundën operacion. Ajo nuk ka pranuar sepse i është dukur e padrejtë, dhe në vend të saj ka konkurruar Eralda Hitaj. Suada edhe sot nuk është penduar që nuk e ka kryer atë ndërhyrje. Ajo është shprehur se kur nuk është tunduar për ta bërë këtë ndërhyrje në adoleshencë, tani nuk e çon ndërmend një gjë të tillë. |
You are subscribed to email updates from Tirana Observer. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: