“Halil Matoshti i rikthehet idesë për Harkun e Triumfit në Veternik (Foto)” plus 9 more Ferizaj Press
“Halil Matoshti i rikthehet idesë për Harkun e Triumfit në Veternik (Foto)” plus 9 more Ferizaj Press |
- Halil Matoshti i rikthehet idesë për Harkun e Triumfit në Veternik (Foto)
- Konfirmohet: Në takimin e Brukselit përveç kryeministrit Mustafa do jetë edhe presidenti Thaçi
- Shkon në 24 numri i të vrarëve nga sulmi në Pakistan
- Pushimet tatimore shihen si mundësi për tërheqjen e investitorëve
- Edi Rama: Për votimin elektronik vendos OSBE-ja
- Temperaturat e ulëta ngrijnë edhe ndërtesat në Ferizaj (Foto lajm)
- Tenton t’i shmanget testit të alkoolit, i ofron para Policisë
- Dmitry Medvedev rizgjedhet në krye të partisë Rusia e Bashkuar
- MPJ e Maqedonisë: Turqia nuk e ka anuluar marrëveshjen për njohjen e diplomave
- Parashikimi i motit për pesë ditët e ardhshme
Halil Matoshti i rikthehet idesë për Harkun e Triumfit në Veternik (Foto) Posted: 22 Jan 2017 09:46 AM PST Ai thotë se që në viti 2004 e ka propozuar këtë ide, por Komuna e Prishtinës nuk e ka zbatuar idenë e tij, shkuan lajmi.net. Lexo shkrimin e plotë të Halil Matoshit: "Sondazh: A jeni qe ne Veternik te ngritet Harku i Triumfit? Qysh po ju doket? P.S. E kam propozue tek Javorja "Zeri" qe me 2004 dhe asnjani nga Prefektat e Prishtines nuk e kan zbatue kete ide?", shkruan ai. /Lajmi.net/ |
Konfirmohet: Në takimin e Brukselit përveç kryeministrit Mustafa do jetë edhe presidenti Thaçi Posted: 22 Jan 2017 09:46 AM PST
Zëdhënësi i Qeverisë së Kosovës, Arban Abrashi, ka konfirmuar për lajmi.net se në takimet e radhës që do të mbahen në Bruksel, do të marrë pjesë edhe presidenti i Thaçi. "Delegacioni i Republikës së Kosovës do të përbëhet nga presidenti Hashim Thaçi dhe kryeministri Isa Mustafa", tha ai. Sipas Abrashit, kryeministri Mustafa është në koordinim të vazhdueshëm me presidentin Thaçi për pjesëmarrje në Bruksel. "Kryeministri Mustafa është në koordinim të vazhdueshëm me presidentin Thaçi për pjesëmarrjen në takimet e radhës në Bruksel", tha Abrashi. Ndryshe, të martën pritet vazhdimi i dialogut në mes të Kosovës dhe Serbisë në Bruksel nën drejtimin e përfaqësueses së lartë të BE-së, Federica Mogherini. /Lajmi.net/
|
Shkon në 24 numri i të vrarëve nga sulmi në Pakistan Posted: 22 Jan 2017 09:46 AM PST Kjo pasi tre nga të lënduarit, kanë ndërruar jetë gjatë mbrëmjes së kaluar, kurse edhe 90 persona tjerë ende po marrin trajtim mjekësor. Shpërthimi ishte shkaktuar nga një mjet i improvizuar në një kuti perimesh. Sipas raporteve ky sulm është kryer nga talebanët e Pakistanit, dhe ka të bëjë me përkrahjen e shiitëve ndaj presidentit të Sirisë, Bashar al Assad. |
Pushimet tatimore shihen si mundësi për tërheqjen e investitorëve Posted: 22 Jan 2017 09:45 AM PST Të dy këto pika, sipas drejtorit të Odës Ekonomike Amerikane në Kosovë Arian Zeka, janë shumë të domosdoshme të hyjnë sa më shpejt në fuqi për shkak të krijimit të një ambienti më të favorshëm për investitorët. "Ajo çfarë do të duhej të shohim tani pasi që është diskutuar kjo pako fiskale, është një veprim më i shpejtë i institucioneve të Kosovës tani e njëjta duhet të aprovohet nga ana e qeverisë së Kosovës dhe e njëjta të fillojë të promovohet para bizneseve në mënyrë që ata të mund të përfitojnë nga kjo", tha Zeka. Sa i përket pushimeve tatimore, Qeveria e Kosovës gati dy vite më parë kishte marrë vendim që të ketë pushime nga taksat për të gjitha investimet e reja, tre deri në shtatë vite. Por, që një vendim i tillë nuk kishte hyrë në fuqi asnjëherë, duke bërë që edhe investitorët e huaj të mos e shohin Kosovën si vend atraktiv për investime. Rënia e investimeve të huaja dhe zbehja e interesimit të kompanive të huaja që të kapitalin e tyre ta shtrijnë në Kosovë ishte mjaft e theksuar në vitin që lëmë pas. Të dhënat e Bankës Qendrore të Republikës se Kosovës, tregojnë se deri në muajin shtator të vitit 2016, shuma e investimeve të huaja kanë qenë 184 milionë euro. Kurse në vitin 2015, investimet ndërkombëtare kanë qenë rreth 320 milionë euro. Futja në fuqi e pushimeve tatimore për drejtorin e Odës Ekonomike Amerikane në Kosovë, Arian Zeka, do të mund të sjell investime. "Udhëzimi administrativ për pushimet tatimore varësisht nga shuma e investimeve i kombinuar me Ligjin për investime Strategjike që pritet të hyjë në fuqi së shpejti do të ishin elemente të rëndësishme për ofertën tonë para investitorëve të huaj", thekson Zeka. Ndërkohë, pakoja fiskale për përfaqësuesit e Këshillit të Investitorëve Evropian në Kosovë duhet të jetë në funksion të gjenerimit të investimit privat, përfshirë edhe trajtimit të barabartë për të gjithë investitorët. Drejtori ekzekutiv i këtij Këshilli, Shpend Balija, në një prononcim për Radion Evropa e Lirë thotë se pakoja e re fiskale duhet të ketë edhe disa elemente tjera për një ambient më të favorshëm biznesor. "Gjitha këto elemente të pakos fiskale përfshirë edhe pushimet tatimore janë të mirëpritura dhe mendoj se do ta kenë ndikimin pozitiv sa i përket investimeve. Por, ne mendojmë që në këtë pako duhet të përfshihet edhe çështja e kompanive të sigurimit, që për momentin janë të diskriminuara duke paguar tatim në të hyra në vend se të paguajnë tatim në fitim, siç paguajnë kompanitë tjera private në Kosovë", thekson Balija. Ndryshe, ditë më parë përfaqësues të shoqatave ekonomike dhe Ministria e Financave në Qeverinë e Kosovës kanë hartuar një pako të re fiskale për përmirësimin e ambientit për biznes. Ministri i Financave Avdullah Hoti, ka thënë se një ndër objektivat kryesore të Ministrisë së Financave për vitin 2017 është pakoja e re fiskale. |
Edi Rama: Për votimin elektronik vendos OSBE-ja Posted: 22 Jan 2017 09:23 AM PST Ai në komunikimin javor në rrjetin social facebook, ka theksuar se votimi elektronik do të mund të sillte probleme duke e krahasuar me shtetin e Gjermanisë që e ka shpallur jokushtetuese këtë mënyrë të zgjedhjeve. "Pse mund të jetë problematik se ai tradicional? Gjermania e ka shpallur antikushtetues. Kemi mësuar pse është i parealizueshëm jo vetëm në Shqipëri por edhe gjetkë. Megjithatë nëse OSBE do të na miratojë një plan konkret, atëherë e pranojmë pa asnjë zë. Nëse vjen një propozim serioz e mbështetur në një rast suksesi nga OSBE, atëherë e pranojmë dhe e mbështesim. Këshillë opozitës: Kthehuni në realitet dhe do mësoni se do bëni më shumë për Shqipërinë, për veten e duke e sfiduar më mirë qeverinë", tha ndër të tjera kryeministri Rama. Votimi elektronik në zgjedhjet e ardhshme u mohua kategorikisht edhe nga drejtuesit e KQZ-së në Shqipëri, duke pretenduar se realizimi i një projekti të tillë kërkon kohë për tu përdorur. |
Temperaturat e ulëta ngrijnë edhe ndërtesat në Ferizaj (Foto lajm) Posted: 22 Jan 2017 09:00 AM PST Temperaturat e ulëta të ditëve të fundit në Ferizaj, përveç problemeve që po shkaktojnë në komunikacion janë bërë edhe problem edhe për banorët e ndërtesave. Ndryshimet të cilat kohe pas kohe po shkrijnë sasi të borës që kanë mbuluar ndërtesat në orët e mbrëmjes kanë bllokuar edhe sistemet e gypave e që për pasojë kanë krijuar "ujëvara" nëpër ndërtesa. Ditë më parë Brigada e zjarrfikësve ka bërë pastrimin nëpër disa ndërtesa të këtyre pjesëve të akullit të cilat me ngritje të temperaturave mundë të paraqesin rrezik për kalimtarët e rastit. Por si duket edhe nga foto ende ka punë për tu bërë por njëkohësisht kërkohet edhe kujdes nga qytetarët të cilët kalojnë rreth këtyre ndërtesave.
|
Tenton t’i shmanget testit të alkoolit, i ofron para Policisë Posted: 22 Jan 2017 08:48 AM PST Pas kontrollit nga Policia i dyshuar ka rezultuar të jetë nën ndikimin e alkoolit, dhe është arrestuar menjëherë nga zyrtarët e njesive policore të trafikut. I dyshuari është Orges Verzi, 27 vjeçar nga qyteti i Durrësit, kurse lënda e të akuzuarit është dërguar në Prokurorinë pranë Gjykatës së Shkallës së parë në Tiranë, nën akuzën "Korrupsion aktiv ndaj personave që ushtrojnë funksione publike". |
Dmitry Medvedev rizgjedhet në krye të partisë Rusia e Bashkuar Posted: 22 Jan 2017 08:46 AM PST Medvedev e ka fituar garën pa asnjë kundër kandidat, duke e marrë edhe mandatin e dytë në këtë post. Ai në fjalën drejtuar delegatëve, ka thënë se partia nuk do të dorëzohet para provokimeve: "Partia jonë nuk duhet të dorëzohet para provokimeve dhe duhet të mos përfshihet në intriga politike". Medvedev gjithashtu ka theksuar se Rusia e Bashkuar është burimi kryesor politik i Vladimir Putitnit. |
MPJ e Maqedonisë: Turqia nuk e ka anuluar marrëveshjen për njohjen e diplomave Posted: 22 Jan 2017 08:46 AM PST Ata e kanë arsyetuar këtë qëndrim pasi dy shtetet janë nëshkrues të Konventës së Lisbonës të Këshilit të Evropës dhe UNESCO-s, me marrëveshje të cilat duhet bërë edhe zbatimi i njohjes së diplomave. "Miratimi i këtij vendimi është pjesë e marrëveshjes dypalëshe të vitit 1998 duhet të shfuqizohet, pasi që të dyja shtetet kanë ratifikuar Konventën e Lisbonës të Këshillit të Evropës dhe UNESCO-s. Konventa është miratuar në Lisbonë më 11 prill 1997 dhe është ratifikuar nga një numër vendesh evropiane. Gjithashtu, ju njoftojmë në qëndrimin e ministrisë për bashkëpunim mes autoriteteve maqedonase dhe turke është thënë disa herë më parë se në mënyrë të qartë theksojmë se Republika e Maqedonisë edhe në kohën e grushtit të shtetit kundër Turqisë, më herët edhe sot mbetet për mbështetje të plotë të institucioneve demokratike të Republikës së Turqisë dhe frymën e marrëdhënieve miqësore po bashkëpunojmë në shumë fusha, duke përfshirë arsimin ", thuhet në deklaratën nga Ministria e Punëve të Jashtme të Maqedonisë. Anulimi i këtij vendimi do të ishte më shumë si kundërpërgjigje ndaj Universtiteteve të Fethullah Gylen, i cili akuzohet nga Erdogan për realizimin e grushtshtetit në Turqi muaj më parë. /Lajmi.net |
Parashikimi i motit për pesë ditët e ardhshme Posted: 22 Jan 2017 08:46 AM PST Instituti Hidrometeorologjik i Kosovës njofton se gjatë të martës dhe të mërkurës do të ketë reshje të dobëta bore, kurse në ultësira prezente do jetë edhe mjegulla e intensitetit më të lartë, shkruan lajmi.net Temperaturat minimale do lëvizin ndërmjet -14 gradë Celsius deri në -5 gradë, kurse maksimale do lëvizin nga -4 deri në 1 gradë Celsiues. Era do të fryejë nga lindja dhe verilindja me shpejtësi rreth 7m/s. /Lajmi.net/ |
You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: